吳諾弘專程去到日本東京只為與定居當地的王樹熹拍片，兩人一見面即雞啄唔斷，而吳諾弘則搞笑表示：「細個已經有人話我哋好似，成日將我哋撈亂，所以我上次打奧運，跟住之後，有啲人喺下面留言話：『嘩，Jacky仔去咗奧運咩？』跟住之後，後面啲人就話：『嗰個唔係Jacky仔，嗰個係 Lawrence 啊！』」而王樹熹就笑稱有兩人自小已經常被人指「撞樣」。
王樹熹透露自淡出幕前後，與昔日童星朋友或合作過的演員都沒有聯絡，已完全離開演藝圈。提到2019年曾返TVB拍劇，王樹熹指當時剛剛畢業，所以排拍過一段時間，至於為何沒有繼續演藝事業，他坦言：「我覺得始終喺現實啲咁諗，拍戲其實都唔係一個好穩定嘅一個工作，同埋始終睇返，我又無特別一定要拍戲，咁我覺得不如試吓自己鍾意嘅嘢。我又之前喺日本留過學一陣。」
王樹熹曾於日本早稻田大學留學，畢業後在當地從事PR（公關）工作，強調更享受現時的生活模式，並未對當年童星身份帶來既定印象感到負面，反而認為在待人處事與溝通方面有所幫助，更指當年資訊還未這麼發達，負面聲音不會傳遞得這麼快，更希望現時網民對小朋友有更多包容。
另外，今次兩人合體大談擔任童星時的作品，王樹熹最難忘的經歷是當年與影帝劉德華合作電影《童夢奇緣》，而兩人提到曾經共同參演劇集《當狗愛上貓》時，憶起當年有位叫「貝貝」的小演員，吳弘諾聞言後，立即向鏡頭呼籲如果「貝貝」看到這段影片，務必透過IG聯絡她，更希望能邀請對方一齊拍片重聚。
本文作轉載及備份之用 來源 source: http://www.hk01.com
|
鍾意就快D Share啦！
|
|
|