康堤表示在拔萃女書院讀中學時，已經是說英文多過中文，她解釋：「媽咪話我細個，成日同我講中文，但我都同佢哋講英文，其實學校同學仔都係講中文，我都知點解，可能睇好多書同電影都係英文，少咗睇中文書。」
康堤16歲便往英國修讀Commercial Music，一開始跟父母表示想選讀一間音樂學校，完全沒有遭到反對，她說：「佢哋好Chill，成日鼓勵我唔好讀書。」說時忍不住掩口狂笑，之後續說：「佢哋覺得你要做自己鍾意嘅，見我對讀書冇乜興趣，可能冇乜心情喎。（揀呢科音樂係啱？）其實開心，返學唔需着校服可以着便服，同埋長期可以攞住電話周圍走。」鄭裕玲忍不住說：「咁就好開心呀？」康堤答：「係。」她憶述一位老師讚賞她表演時像發光一樣，她直言亦很享受在舞台上的感覺，像跟別人「講故仔」，所以選擇入行做歌手。
現在康堤出騷或活動的造型均由媽媽負責，不過她直認小時候不懂得欣賞媽媽的打扮，笑說：「我其實細個放學都唔認佢，我最記得一次，以前佢搽紅唇膏，又要着好多銀色、螢光粉紅嘅唔同顏色，我會唔應佢，放學落樓梯佢會嗌包包，我都唔應佢，哈哈。」康堤亦提到長大後徐濠縈曾講過一件事，康堤說：「佢提返我，嗰時我同佢講，希望佢用斜揹袋，好似啲姨姨咁，我寧願佢咁都唔好咁打扮（前衛）。」不過，康堤自覺是衣著是「跟風型」，所以希望由媽媽負責她的服裝造型設計，鄭裕玲問現在是否能已完全接受？康堤笑說：「現在佢簡約咗，我就接受咗多啲。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|