藝人崔碧珈與「大隻Rocky」鄭健樂昨日無預警齊齊大放閃光彈，Rocky更於社交網個人狀況標註了崔碧珈並寫明跟對方戀愛中。崔碧珈今日（14日）現身慈善演唱會記者會，透露屆時會跳健康性感辣身舞，因此近日積極Keep fit操肌，問她是否跟Rocky操？她表示對方現在是她的專屬教練，自己11月從英國回港後才認識對方，笑問何以進展得這麼快？她坦言私人事想低調，但覺得二人很啱傾，並且很欣賞對方：「佢係顧家男人，好難得，又會湊小朋友，咩事都會以小朋友行先。」她坦言事前並不知道對方會更改社交網狀況，但覺得對方為人直接和單純，可能是「開心得滯」才這樣做，事後也有跟對方了解：「佢覺得男未婚女末嫁，單身又係成年人，覺得冇乜所謂，所以冇諗公眾上可能會有好多評論，因為我覺得呢啲事唔需要有太多公眾參與。（你有冇嬲？）我本身唔易嬲，人生有驚喜都唔錯。（佢點打動你？）冇話打唔打動，冇大家諗得咁複雜。」
追問二人現時關係？崔碧珈說：「非常好好好朋友，私人事兩個人知就得！（媽咪冇追問？）全家人都未睇新聞。」她笑指家人早已放棄向她催婚：「媽咪認為我另一半係好人就得！（Rocky係唔係好人？）佢係我幾十年人生入面喺香港見過最好嘅一個異性，好Surprise佢唔係淨係得大隻，仲好有深度。（氹你？）佢唔係好識講甜言蜜語，例如佢會買咗飯畀你，事前唔會同你講好多廢話，直接叫我食。（嫁得過？）睇吓人哋肯唔肯娶先哈哈！希望越大，失望越大，我唔一定要嫁，唔嫁都得㗎，睇緣分！」問到會否介意當後母？她坦言沒想到這麼長遠，但自己喜歡小朋友，因此也不介意：「鍾意一個人唔會理對方任何狀況，最重要係三觀適合。」對於有網民認為「女尊男窮」，她指大家誤以為她很富有，直言對方才是超級筍盤、鑽石王老五，絕對是禾稈冚珍珠。
本文作轉載及備份之用 來源 source: http://hk.on.cc
|
鍾意就快D Share啦！
|
|
|