邵卓堯太太不滿餓到瘦十幾斤
邵卓堯婚後積極經營社交平台，不時分享生活點滴和夫妻日常。在最新一條影片中，他帶太太到茶餐廳「撐枱腳」，當他問及米線味道如何時，太太隨即「發牢騷」，對着鏡頭大吐苦水：「唔好食都要食㗎啦，成兜食晒了，一日淨係食一餐咋！人哋娶老婆，你娶老婆，人哋娶老婆返去養到肥肥白白，你娶我返去呢？餓鬼我！一日到黑淨係畀一餐飯我食。」
鏡頭前的邵卓堯不敢駁嘴，只能繼續錄影，太太見狀更激動表示：「你諗下，差啲連水我都想飲埋佢啊！影影影，影咩啊影，唔准影！」期間更一度大力拍打老公手臂宣洩不滿，場面既好笑又充滿火藥味。
背後有苦衷
面對太太的控訴，邵卓堯不但沒有生氣，反而道出背後「苦衷」，原來一切都是為了太太著想。他笑言：「妳應該要多謝我，幫妳減肥。」不過太太似乎不領情，反駁道：「減你個死人頭，瘦咗10幾斤啊。」此時，邵卓堯幽默指自己也有「損失」：「我銀包都瘦咗好多，呢餐幾錢啊？56蚊啊！」豈料被太太反窒：「一日淨係一餐咋，56蚊，你唔捨得啊？」邵卓堯即改口稱：「捨得、捨得，下次自己煮。」事後，邵卓堯也在影片留言放閃：「生活小情趣吵吵鬧鬧，一遇到可愛的人就覺得生活不艱難了」，求生慾果然強！
網民激讚阿嫂好戲
影片出街後，不少網民大讚阿嫂個性直率，紛紛留言：「好溫馨」、「老婆好可愛」，更有網民建議邵卓堯帶老婆入行：「你老婆好適合拍戲啊，講嘢咁流利」、「將你老婆介紹俾珍姐（曾勵珍）！做啲臨記角色，不出三年保證可以做到女二，好戲到呢！」。對此，邵卓堯亦大方回覆：「她好戲過我。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|