近日藝人朱茵現身支持黃智雯舞台劇《天下無不西之閨蜜》演出，當日以藍色襯衫配菱格紋冷衫搭牛仔褲打扮嘅佢，大方有氣質，身材保持好，靚樣更擁飽滿蘋果肌，狀態勁好，引發網民討論，仲大膽指佢比黃智雯睇落更年輕上鏡。對於保養方法，朱茵曾分享自己唔會節食，只會調整日常飲食次序，例如每餐先食蔬菜先到有飽腹感後，再食肉類及米飯，減少澱粉質及脂肪吸收。另外，如果要捱夜，佢就將菊花杞子焗成水，而如果想臉色紅潤啲就飲紅棗水；又會將乾龍眼、枸杞、菊花、紅棗煲水，改善氣血，成為「養顏水」。
不過圈中超級美女又點只佢一個，最近有網民分享巧遇前花旦吳美珩與好友顧紀筠現身紅館欣賞張學友尾場演唱會，大讚吳美珩保養得宜，20幾年冇變過，非常誇張。吳美珩最新容貌更係皮膚白滑、精神飽滿，狀態絕佳。當日吳美珩同顧紀筠離場前，仲巧遇張家輝，3人索性頭貼頭合照，畫面溫馨！其實張家輝同吳美珩非常有緣，二人於1999年曾經一齊參與跨年晚會，演出合唱過《愛在心內暖》。
吳美珩父親為中山醫院院長，母親係醫生，於4歲隨家人移民到美國。佢於1996年代表三藩市參加國際中華小姐競選，並得到亞軍，其後加入TVB，首部參演劇集為《真情》。擁有知性美及古典味嘅吳美珩宜古宜今，經常演美人角色，最經典為劇集《楊貴妃》「梅妃」以及《楚漢驕雄》「虞姬」。另外，美珩亦擅演專業人士角色，如代表作《妙手仁心III》「葉淘」醫生以及《九五至尊》女強人Rachel等。
吳美珩於2001年年底同富商王華麟在台北君悅酒店舉行豪華的婚禮，筵開60席，但對外隱婚至2007年，先正式公布婚訊，同年7月為丈夫誕下愛女，同年息影，於2011年再誕下兒子。
本文作轉載及備份之用 來源 source: http://hk.on.cc
|
鍾意就快D Share啦！
|
|
|