文念中透露鄭則仕如何成為發哥的跑友
現年74歲的鄭則仕一向都以胖胖的身型示人，但近年鄭則仕身形開始消瘦，原來他喜歡上做運動，令不少網民受激勵：「仲有咩藉口唔做運動。」香港美術指導文念中昨日（19日）在社交平台發文透露鄭則仕如何成為發哥的跑友，除了鄭則仕外，連盧海鵬都是發哥的跑友。
盧海鵬身體並不是那麼健康
文念中文中表示幾年前發哥知道盧海鵬身體並不是那麼健康，為了鼓勵他做運動：「每朝都晨早開車去鵬哥屋企樓下接佢一齊去做運動，然後再帶佢食早餐，之後先車返屋企。除咗打颱風，基本上風雨不改，差唔多一年有多。鵬哥由最初用拐杖行都有啲吃力，到慢慢可以每日唔使拐杖慢走一個鐘。」
發哥一直都有找以前在TVB工作的人一起做運動
文念中指除了藝人外，發哥其實一直都有找以前在TVB工作的人，包括：PA、助導、同學等，鼓勵他們一起做運動，所以發哥「發記跑步團」日益壯大：「每朝出嚟行吓、跑吓、講吓笑、吹吓水、食吓嘢，開開心心又一日。大家都睇到做運動帶嚟嘅改變，當然仲有發哥嗰份愛心。文念中表示鮑起靜、方平及劉江早就已經是發哥的跑友，而鄭則仕是去年才加入的：「鄭則仕同發哥拜年飲茶，都話想改善身體健康，發哥當然又梗係鼓勵佢跑步。練咗唔夠一年，Kent哥啱啱完成咗渣打馬拉松10K，佢話過終點嗰一刻，自己都唔敢相信。所以，唔好再搵藉口話自己年紀大郁唔到，佢哋全部都過咗70歲。」文念中更大讚鮑起靜的表情可愛，更指有少女感。
本文作轉載及備份之用 來源 source: http://www.hk01.com
|
鍾意就快D Share啦！
|
|
|