藝人宣萱參演的電影《尋秦記》票房大賣，帶挈她與古天樂的CP大受歡迎。日前她受訪時大爆當年與古天樂拍劇初期，因對方不愛說話覺得他有點自閉，後來主動撩他傾偈後才變得熟落。
宣萱在大熱電影《尋秦記》與古天樂（古仔）再度演CP，大受歡迎，亦帶挈宣萱人氣翻Hit，近日她接受葉念琛的網上節目訪問，分享多年前在無綫拍劇時，與古仔、羅嘉良及張家輝等合作的趣事。宣萱指當年因拍攝《餐餐有宋家》認識古仔，記得他初時不太說話，甚至感覺有些自閉：「我係好鍾意講嘢嘅，我有時就會撩佢，慢慢佢就覺得我冇惡意，之後做訪問鍾意同我一齊，因為佢唔使講太多嘢。早期佢做演員仲係好快樂，後來有自己公司後，對外界就表現出較嚴肅嘅一面。」
孖張家輝「講數」
她又提到與張家輝拍攝劇集《騙中傳奇》，期間一起找監製「講數」，最後成功爭取休息時間。在她眼中，張家輝是很搞笑及歡樂的演員，但當時拍劇辛苦到連他也受不了：「已經差唔多到頂點，當佢唔出聲，我哋都唔敢出聲，家輝係最辛苦嘅。有場戲我辛苦到第一次拍完就除頭套走，當時每晚可能只瞓一至兩個鐘，等於冇瞓。」
在《流金歲月》與《難兄難弟》中，宣萱則與羅嘉良合作，她形容對方勤力又專注，與古仔不同，羅嘉良是很會聊天的人：「唔一定講做戲，會講人生、分享個人歷史。同佢做戲你唔使諗太多，佢一定畀你100%。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|