現年66歲的艾威去年5月飽歷喪妻之痛，去年5月10日艾威於網上求助有心人捐肝，太太Lisa患有家族遺傳病「多囊腎」及「多囊肝」，病情急轉直下，艾威見證人間有情，亦見證時間不等人。艾威日前接受電台訪問，以過來人身份分享從傷痛如何重新振作，但再投入工作時，卻遭網民評擊，他慨嘆：「究竟屋企人死咗，要事隔幾耐先有權開心？」期間憶述與亡妻參加內地綜藝《再見愛人2》因而復合，忍不住流下男兒淚，他說：「佢係連命都唔要，想同我復合！」
憶及去年網上呼籲捐肝為救愛妻，艾威表示非常感動，收到超過20個人願意捐肝，全部私下傳短訊多謝他們，亦感謝周潤發來病房探望病危的太太，「係非常難得，發哥係Lisa嘅偶像，當時我同三哥（苗僑偉）工作，佢上晝搵發哥，發哥下晝已經嚟探Lisa，Lisa當時已經神智模糊，但佢應該認到發哥，發哥仲同佢講：『快啲好番出嚟請我食菠蘿包。』」
無奈Lisa等不及換肝，因感染於去年5月18日離世，艾威表示至今同傷痛共存，選擇強迫自己改變思維，不想繼續沉溺，需要面對。原來艾威太太生前沒有立平安紙，所以既要接手Lisa生前創辦的手錶鋪，自己亦要打理有份投資的灣仔食肆，「太太臨走前，佢個人好亂，好多問題留低，所以我同自己講一定要保持清醒，一定要喺陰霾跳出嚟。所以每日即使無去Gym，都會做100吓掌上壓。」早前他網晒在食店幫忙招呼客人的片段，遭到網友批評，「我將呢啲開心片段放出嚟，就有啲人好得閒攻擊我，當然我無去回應，但就覺得好奇怪，發生唔開心嘅事，究竟要保持負面情緒幾耐？好無情地講，屋企人死咗，你要我傷痛幾耐？先至有權開心？邊個做準則？」艾威覺得離世的太太都希望自己開心，會保持用開心的心情，解決日後要面對的問題。
艾威91年邂逅太太，交往11年後於02年結婚，不過，2020年宣布離婚，2023年艾威偕Lisa參與內地真人騷《再見愛人2》，參加時出發點只想有新啟發，在拍攝的18日中，接受不同的挑戰，促使艾威感受到Lisa的愛，「有一日要爬山要綁繩，當時佢『多囊腎』、『多囊肝』個肚已經好脹綁唔到繩，佢點都要做到，就好似命都唔要嚟拍呢個節目，佢係連命都唔要想同我復合，係好感動。」含淚憶述答應太太不離婚那一天，原本Lisa有高山症發燒，突然即刻退燒，非常神奇。
本文作轉載及備份之用 來源 source: http://hk.on.cc
|
鍾意就快D Share啦！
|
|
|