林敏驄受訪全程妙語連珠 怕《維多利亞壹號》血腥：血淋淋有咩好睇？光脫脫仲衰！
首映禮上，曾參演852電影公司作品《全力扣殺》的林敏驄接受傳媒訪問，全程保持無厘頭對答風格，見首映嘉賓全男班便笑言：「冇女冇剩呀，真係慘，dry呀！呢個咩台嚟，囡都冇嘅！」談到當年《維多利亞壹號》上映時的震撼程度，林敏驄亦笑言：「嗰時未夠18歲呀！」對電影血腥暴力風格亦感到怕怕：「血淋淋？我好驚喎。我好少拍呢啲，血淋淋有咩好睇？光脫脫仲衰！」
孖好友曾志偉開戲？ 林敏驄：寫劇本好耐、用AI寫幾個鐘！
林敏驄好友曾志偉月初宣布離開TVB，談到二人合作開戲的可能性，林敏驄表示：「度緊寫劇本好耐呀，用AI寫幾個鐘呀，任由AI發揮，唔使規劃開正我個範！」至於曾志偉的參與度，林敏驄卻扯遠至志偉到內地踢波的「艷事」，笑言：「不嬲都有返大陸打波，唔同佢哋之嘛，水平唔一樣！」對於志偉在飯局中有美女敬酒，林敏驄則笑言：「有啲咁嘅筍嘢！呢度冇嘅？早啲響呀！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|