藝人張繼聰（阿聰）與太太謝安琪（Kay）為圈中模範夫妻，Kay早年已貴為天后級歌手，而阿聰近年於事業上起飛，片約不斷，成為影壇上搶手男主角，原來風光背後，兩人都曾經歷人生低潮，更一齊患上抑鬱症。
兩公婆日前接受電台節目訪問，罕有大方分享一齊患抑鬱症的經歷，Kay表示：「我哋大家都要食藥呀！」現在回想起真是笑中帶淚。阿聰早年因事業跑輸太太，被大眾標籤為女尊男卑，令他壓力爆煲，他指起初不敢讓太太知道自己要食藥，最後都是要一齊面對，互相扶持先捱得過。
阿聰分享自己第一次看精神科醫生的趣事，本來他以為會好似電影《無間道》入面一樣，有人做心靈輔導，怎料現實中原來只是填問卷、醫生聽了他講兩句，就他叫去拎藥，最震撼的是反而是看到張帳單，即刻苦笑話：「嘩，我好番喇！冇資格有呢種病！」他直言精神科簡直是「富貴病」，所以他下定決心靠自己走出低谷的轉捩點。
阿聰早於2010年於重度抑鬱下，頂硬上陪Kay出席叱咤頒獎禮，當時Kay同樣承受巨大壓力，兩夫婦可以說是同病相憐，一齊成長。兩人又指當年因外界負評太多，曾向好友方大同求助，對方聽完都忍不住替他們生氣，鼓勵他們於艱難時刻仍能夠溫柔對待對方，已經好難得。
阿聰剖白最黑暗的一刻曾一度想輕生，晚上一直哭，更哭到睡了覺，不過第二日醒來反而覺得人生開始有轉機，之後他靠睇書調整心態，加上事業續漸有起息，獲邀拍劇，走過低谷！現在回望過去，他笑言那段日子不是路障，反而是人生加油站，令他學懂怎樣可以追求快樂同自在。
另外，兩公婆今日（29日）趁有空去拍拖吹海風兼飲杯咖啡，而天生攣髮底的Kay，更大嘆自己冇資格剪齊陰頭，她留言：「畀心機吹好頭髮仔，帶佢哋出嚟吹吓海風飲杯咖啡，想讚吓佢好好睇，佢哋今日好聽話，請問有冇天生攣髮底嘅朋友？能夠明白攣髮底係好難剪靚前陰嘅心情？（更加唔使旨意剪齊陰，係冇資格嘅）所以前陰聽話嘅日子係比較囂s同輕佻。順便同張先生介紹一下，乜嘢叫做『靈動』，你哋最近有冇靈動一下？有沒有？有沒有？」
防止自殺求助熱線：
香港撒瑪利亞防止自殺會：2389 2222
生命熱線： 2382 0000
社會福利署：2343 2255
撒瑪利亞會熱線(多種語言)：2896 0000
醫管局精神健康專線：2466 7350
明愛向晴軒：18288
東華三院芷若園：18281
「情緒通」熱線：18111
賽馬會青少年情緒健康網上支援平台「Open噏」：http://www.openup.hk
本文作轉載及備份之用 來源 source: http://hk.on.cc
|
鍾意就快D Share啦！
|
|
|
