男圑MIRROR人氣王姜濤最近小休數天，雖然去向成謎，不過佢就Keep住update社交網同姜糖（姜濤Fans）報平安，今日（29日）凌晨他更新社交網的限時動態，分別上載自己早年Busking片、少年時期自拍唱歌片及坐車「食風」搞笑片等，條條片都起碼有10年歷史，青春模樣引得姜糖大叫可愛！
大批姜糖睇完片，都即刻化身福爾摩斯，齊齊搵出片中唔同資訊，就好似自拍唱歌片入面，佢哋就估計係喺加拿大表妹間房拍嘅，不過姜濤就指係自己舊房拍嘅，不過邊度拍都好，Fans照大讚當時嘅男神青澀可愛，素顏已經好靚仔。另一條片就係佢16歲Busking時，大唱林奕匡嘅《高山低谷》，片段夠晒珍貴，把聲同依家好似冇變過一樣，同樣高音甜、低音準，聽到姜糖暈晒大浪，想佢下次開騷可以再唱過。
雖然大家都好想繼續睇男神更多出道前絕密片，不過姜濤都好怕醜，話今次分享到呢度，不過考慮緊下次再突擊晒海量「白痴片」，令粉絲非常期待。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
