資深藝人秦沛的女兒姜麗文（Lesley），前年12月宣布正式離巢TVB，結束7年賓主關係，離巢後移居美國洛杉磯去年3月，她宣布簽約美國一間演藝經理人公司正式進軍荷里活。昨日（28日）她迎來40歲生日，在社交平台分享慶生照，表示：「This is 40!! 🎂✨」見她身穿黑色透視喱士連身褲，對着鏡頭大擺Pose，展露出開心燦爛的笑容，狀態極佳。
姜麗文在娛樂圈成績亮麗，曾在《愛．回家之開心速遞》中飾演Liza一角的她，憑着出神入化的演技成功入屋。應着實力在《萬千星輝頒獎典禮2021》中勇奪「飛躍進步女藝員」獎。惟去年11月她突然撰千字文透露抑鬱症復發：「這個月對我而言相當艱難，因為抑鬱症第百萬次復發。整整12年了。這麼多年後，我仍然需要『保持堅強』打這場仗，即使用治療和抗憂鬱藥，有時也很令人氣餒和失望。這次很不妥，是我自2014、2015年以來覺得最強的一次？太瘋狂了。」幸好她獲丈夫陪伴助她「又打贏一場仗」！
姜麗文早於2014年患上抑鬱症，在焦慮、驚恐症中鬥爭，因失戀而觸發病情：「初初就係因為失戀，分手嗰陣我就好唔開心，但之後我對人生嘅諗法，或者每日一起身嘅感覺，我開始覺得好唔同，開始諗一啲好危險嘅嘢。」更曾3度自殺：「我有一次係突然間，跟住之後兩次都係有Plan，第一次其實我已經寫晒信，已經擺晒喺張枱上面。我記得有一刻我等緊紅綠燈，我記得每一架車一轉入嚟，我喺個腦入面都會爆粗咁話『點解你揸車要揸得咁安全，點解你唔會唔小心撞向我，你幫吓我呀。』」幸好當時有家人陪伴，讓她成功走出陰霾，重新投入工作和生活！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
