熱爆娛樂: 麥玲玲率關智斌劉佩玥等眾星開騷迎新年　陳展鵬露口風想添丁 #劉佩玥 #關智斌 #陳展鵬 #麥玲玲

2026年1月1日星期四

麥玲玲率關智斌劉佩玥等眾星開騷迎新年　陳展鵬露口風想添丁 #劉佩玥 #關智斌 #陳展鵬 #麥玲玲

跨界藝人麥玲玲再有新搞作，作為牽頭人，連同好友金牌司儀林盛斌(Bob)，率領關智斌(Kenny)、陳展鵬、鄭俊弘(Fred)、劉佩玥(Moon)、胡鴻鈞及吳業坤等一眾藝人於江門舉行除夕跨年騷，過萬人場館座無虛席。眾星大唱多首飲歌，令所有Fans滿足而回，而玲玲師傅跟阿Bob也即興jam了一段《好好戀愛》，全場氣氛高漲。

麥玲玲率領關智斌(Kenny)、陳展鵬、鄭俊弘(Fred)、劉佩玥(Moon)、胡鴻鈞及吳業坤等一眾藝人於江門舉行除夕跨年騷弓。

壓軸時段Kenny更身穿狂野小背心出場，賣大包大騷肌肉，玲玲師傅難掩興奮：「無正式做過咁大嘅騷嘅司儀，好彩有阿Bob帶住，佢氣氛控制得好好！Kenny最多粉絲，又著背心騷肌，個個都睇得好開心，Bob仲猛抆佢件衫叫佢唔好著！」講到其他人，她亦大讚：「胡鴻鈞等幾個唱家班都唱得好好，Fred原來係江門人，仲年年同老婆返嚟祭祖。Moon今次表情管理冇得頂！小豬髀都有嚟捧爸爸展鵬場，一家人寓工作於跨年，展鵬仲露口風想添丁，幫小豬髀生番個妹㖭！」