魯賓艾摩廉帥位再次告急。(Getty Images)
曼聯官方宣布，魯賓艾摩廉已卸任曼聯主教練。曼聯聲明指，艾摩廉於2024年11月上任，去年5月帶領球隊打入歐霸盃決賽。
曼聯現時排第6，會方無奈下作出決定，現時做出改變合適時機。此次舉動將有利球隊爭取更高排名。會方感謝魯賓對球會貢獻，祝福佢未來一切順利。助教費查將接掌球隊，周四凌晨作客般尼。
艾摩廉2024年11月上任，執教曼聯14個月，領軍63場獲24勝18和21負，勝率38.1%。
多間英國傳媒引述消息報道，曼聯解僱領隊魯賓艾摩廉，原因是艾摩廉作出惹火言論，與球會高層爆衝突，艾摩廉離隊後，暫由費查擔任看守領隊。
曼聯上場英超僅逼和新升班球隊列斯聯1比1，近5場聯賽只有1勝，領隊魯賓艾摩廉帥位再次告急。根據英國各大傳媒報道，呢位40歲葡萄牙名帥不滿技術總監韋確斯干涉佢嘅戰術部署，同對方發生激烈爭吵，甚至放下狠話，如果唔支持佢，可以解僱佢。
賽後魯賓艾摩廉接受訪問，提及前途問題時話：「我冇打算辭職，留隊到有人取代我為止，我來曼聯擔任領隊，並非教練。」據悉艾摩廉呢番說話係要講畀技術總監韋確斯聽，有傳韋確斯要求艾摩廉將3421陣式改為4後衞，兩人甚至因為排陣問題發生衝突，艾摩廉今次重申自己係領隊，並非一般教練團人員，意味佢有絕對權力決定戰術部署，如果會方唔支持佢，可以炒佢。
根據「轉會權威」記者羅曼諾(Fabrizio Romano)爆料，魯賓艾摩廉的確同高層關係緊張：「曼聯缺少多位球員之下，艱辛逼和列斯聯，我可以同大家講，艾摩廉同管理層的確存在緊張關係，你可以見到佢喺記者會上言辭非常強硬，艾摩廉要求冬季簽入新兵，但並唔順利，例如目標人選安東尼施美安已決定加盟曼城。」英國傳媒認為艾摩廉將會步前車路士主帥馬利斯卡後塵，因為同高層不和而離隊。
最強博彩盤路過關神器《串績王》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|
