專業拆解關節痛成因 提醒長者保暖避「黏」
林景程在文中專業地解釋，天氣寒冷會令肌肉溫度下降，導致血管收縮，氧氣與養分供應隨之減少，直接影響肌肉表現。他更特別提到：「溫度低亦會令關節液變黏，潤滑功能差咗，就會令關節活動既時候更加唔順，尤其係本身患有膝部退化性關節既長者，呢啲情況可能會更加明顯。」林景程不忘呼籲大眾多關心身邊的老友記，提醒他們注意溫差。
真心關懷病人 為臥床人士認真拍痰
帖文一出，隨即引來大批網民留言，有曾與他共事的網民爆料，指林景程當年兼職做物理治療師時表現極之專業：「你是唯一一個堅落手落腳，為臥床人士認真拍痰的PT！」大讚他真心關懷病人。另有網民誤以為林景程已轉行：「唔做演員，做物理治療師都幾好吖，幫到人！！」林景程即回應澄清：「💪🏻💪🏻兩樣都努力做」。
林景程自2009年參加《超級巨聲》入行，苦熬多年，去年終在《萬千星輝頒獎典禮2024》憑《反黑英雄》飾演「燦哥」首奪「最佳男配角」。其後他接受商台《星光背後》訪問，自爆得獎後回家即向太太「放負」，指自己「演得未夠好，對唔住呢個獎」，之後被太太邊鬧邊鼓勵：「你睇！好多人支持你，無人話你對唔住呢個獎，唯一得你自己話對唔起呢個獎！」
試過9個月沒有工作 去年奪獎獲肯定
林景程直言演藝路難行，指當初做新演員拍《On Call 36小時》遇到好角色，以為會愈做愈好，決心辭去物理治療師的穩定收入，怎料之後多次經歷數個月沒工開的日子，「錢唔算好重要問題，係個人好頹，試過9個月無嘢做，不過同其他人傾返其實好多人都有經歷過。」他自揭結婚前，太太曾力勸他放棄演員路而鬧分手，但他發現自己已愛上演戲，最後決定身兼物理治療師與演員兩職，堅持至今，最終於去年奪「最佳男配角」首獲肯定。
本文作轉載及備份之用 來源 source: http://www.hk01.com
|
鍾意就快D Share啦！
|
|
|