無綫處境劇《愛．回家之開心速遞》「大隻仔」關曜儁（Leo）近年投資健身中心愈撈愈掂，數年間由細舖搬到擁有無敵海景的商廈營運。他昨日（24日）突然分享一段影片，一開始就是在將軍澳電視城門外與TVBuddy合照，惹來離巢疑雲，黃建東留言：「嚇死我，我以為係另外一啲公告～」原來片段後續是談及關曜儁、吳偉豪和周嘉洛「三兄弟」一齊去攞TVB服務10年金牌，他們是同期藝員訓練班同學，10年過後只有三人繼續留低。
關曜儁說：「大家見到呢個畫面，係咪以為有人要離開TVB？喂喂喂，但係我想講，今年係我加入TVB第十年喇！」他指經常會被問同期藝員訓練還有誰，他即介紹兩位好兄弟吳偉豪和周嘉洛出場，前者在最近播出的《非常檢控觀》飾演警察，後者則是《愛．回家》要角金城安，而他將會下月23日（初七）上映的《臥底嬌娃》有份演出，人人有工開。
關曜儁覺得這10年有一個啟示，他說：「（十年前）我哋三個咗張相，十年後我哋28期訓練班就係得返我哋3個，通常有人會問，同一期訓練班，你見到佢哋咁紅咁多工作會唔會羨慕？如期話羨慕，不如話係難得，難得係我哋每次見到大家都會鼓勵對方，欣賞對方同埋支持對方，所以我哋嘅友情Keep到十年，都係同啱啱入行訓練班一樣，十年真係眨眼就過，唔知道我哋下一個十年會係點呢？好期待！」
關曜儁又寫道：「終於到我啦…呢10年嘅時光真係眨吓眼就過，幫我返到公司變返兩個好兄弟，感覺好似準備返訓練班嘅感覺，感恩加入到TVB呢個大家庭，令到我人生見識咗好多，識咗好多朋友，社交圈子廣闊咗好多🥰#關曜儁 #吳偉豪 #周嘉洛 #28期訓練 #TVB」
本文作轉載及備份之用 來源 source: http://hk.on.cc
|
鍾意就快D Share啦！
|
|
|