▲田蕊妮罕有談及老公杜汶澤婚外情，她直言曾為此提出離婚！
【田蕊妮/杜汶澤】已移居台灣的杜汶澤找來香港導演黃浩然訪問及拍攝個人紀錄片《光輝歲月》，並在自家網台《喱騷》播放，當中的「番外篇」由太太田蕊妮受訪講夫妻關係，田蕊妮在節目中罕有回答有關老公婚外情的問題，她直言曾為此提出離婚，但後來因為一個原因決定留下，又大讚阿澤很照顧她的家人，曾經為患癌的田母煮最後晚餐，重提這一幕，田蕊妮不禁淚崩！
恩愛夫妻︱田蕊妮罕提杜汶澤婚外情 直言曾提出離婚
導演黃浩然一邊拍攝一邊以主持角度問田蕊妮問題，當二人談笑風生「熱身」過後，黃浩然突然問：「頭先提到婚外情，講唔講得？」田蕊妮沒有回答「得唔得」就直言：「我記得我有同佢講，不如離婚我理應好嬲，但係冇我想像中咁嬲，只不過單純地我會諗，我未來嘅生活，仲想唔想呢個人成為我嘅伴侶？而唔係去諗佢做咗啲乜嘢事，喺嗰一刻，我發覺原來我都真係幾...係唔係呢個就叫做愛呢？我唔知。」
田蕊妮想一想續說：「我唔想見到佢一沉百踩，我唔想，佢喺一個咁低潮嘅時候離開佢，我唔會囉！我亦都好希望佢可以慢慢好起上嚟！佢有佢嘅好，佢改變咗我好多嘢，其實坦白講，好多時候佢都會睇到我嘅優點，反而我成日睇到好多佢嘅缺點，喺度嫌三嫌四。
最新影片推介：
恩愛夫妻︱有段時間常看老公不順眼
她繼而自爆有段時間常看老公不順眼，甚至剛睡醒已經開始投訴，直至一次阿澤正在刷牙，突然對她說：「其實兩個人相處，你要睇到佢嘅缺點好容易，其實我除咗有缺點，都有優點。」正因為這句話令她如夢初醒，她說：「係喎，點解我同佢生活咗一段時間，我會覺得佢呢樣唔妥、嗰樣唔妥，連食啖飯都覺得佢『啫啫聲』嘅呢？但係佢唔會咁對我！佢從來冇嫌棄我。但係我從來就成日喺度嫌三嫌四。」自此她開始反思兩人關係。
恩愛夫妻︱田蕊妮大讚阿澤愛屋及烏
田蕊妮發現阿澤最大優點是愛屋及烏，很愛她的父母及哥哥，她表示：「佢好照顧我屋企人，佢係一個佢唔會同你斤斤計較嘅人，除非佢冇咁嘅能力，佢一有佢會畀晒你，all in！」田蕊妮指阿澤對她和她的家人同樣好，這令她大為感動。她又指阿澤對錢銀沒有所謂的：「佢自己使幾多錢、搵幾多錢自己都唔知，譬如我屋企有啲嘢咁，佢會花心思去幫我解決。譬如我媽咪病重，呢個係我好...」
恩愛夫妻︱田母患胃癌 阿澤為外母煮最後晚餐
說到此田蕊妮雙眼通紅淚崩說不下去，要工作人員為她遞上紙巾，她冷靜了近兩分鐘才繼續說下去：「因為我媽咪係胃癌，佢做手術切咗個胃，中間嘅時候可以食好多嘢，我媽咪好鍾意食佢煮嘅嘢。」而每次媽咪到訪她家，阿澤都會想很多媽咪可以食的東西煮給她吃，會將食物弄成流質、細小一塊，後來田母住醫院，很多時候也是阿澤照顧飲食。田蕊妮再流着淚憶述媽咪的最後一餐飯，田母說想吃阿澤的24小時慢煮牛小排，他煮好再保溫拿去給外母，田蕊妮哭說：「呢個係媽咪最後嘅一餐飯。」
恩愛夫妻︱自認傳統曾想生BB：有個子宮梗係要生仔啦
最後，黃浩然問田蕊妮為何不生小朋友，她坦言曾經跟阿澤討論過：「我係個好傳統嘅女人，一個女人有個子宮梗係要生仔啦，唔好浪費咗佢呀嘛！」直到入行後她才改變這個念頭：「事業發展唔錯，又多機會，我又鍾意做戲，做下一日做下幾年又過幾年，哦，就嚟40歲咁就過咗！」
她透露最想生小朋友是媽咪離世的時候，並突然跟阿澤提出生BB的事，當時她剛好40歲，她憶述：「我同佢講，不如生小朋友，佢問『吓，點解』，因為我好驚我老咗嘅時候，冇人好似我咁樣照顧阿媽呀！照正常你大我幾年，可能會死得早過我！嗰陣我以為佢身體一定唔會好過我，點知依家我身體仲差過佢！」
至於為何想要小朋友？原來田蕊妮是想老了有人可以照顧她，阿澤當時跟她說：「如果你係因為呢個原因，咁唔好生啦，好自私，你對佢有期待，到佢大個咗佢唔照顧你，你真係……死得仲慘！又或者佢未大個照顧你，你仲要照顧緊佢，咁就仲大鑊！」田蕊妮很認同這番話，所以最終打消生育念頭。
相關內容：
恩愛夫妻｜蘇玉華潘燦良第2次環遊世界 南極遇企鵝興奮到失控：享受自由的味道
夫妻關係｜夫妻情侶出現1種情緒9成會分開 兩性專家：觀察5分鐘就知
恩愛夫妻︱蒙嘉慧夫婦回港食平民麵店鄭伊健1舉動超寵妻 移居日本斥資過百萬搞地産生意
🔥免費索取「升小一選校及面試攻略班」影片【送升學面試攻略本】【點擊索取】
🎓TOPSchool全港中小學校搜尋器，比較+收藏心水學校，入HKET App即用！
Follow TOPick Whatsapp頻道🔔，唔會錯過熱門話題!【點擊Follow】
免費成為TOPick會員，隨時參加有獎遊戲、好物試用、會員專享活動! 立即下載HKET APP︰https://onelink.to/f92q4m
TOPick會員迎新大招募，免費做新會員送精美禮品!【立即參加】
|
鍾意就快D Share啦！
|
|
|