對於同片的李佳芯（Ali），憑一幕戲便入圍最佳新演員，他都感謝Ali的幫手，亦覺得她客串的那場戲不容易︰「記得叫佢拍嗰場戲，始終佢唔係喺劇組入面，唔太清楚成套戲，所以我一叫佢嚟到，就一定要進入『情感的禁區』，你個角色就嚟死喇，要即刻投入。我都希望日後佢可以喺電影圈多啲同觀眾見面。」
嚟緊四月即將舉行演唱會的阿聰，今次演唱會主題係「What's Next」，這亦是對自己入行廿年後的一個提問，更透露將會由三月開始排舞︰「今次真係去盡，而我嘅物理治療師亦已經準備好，上年都處於養傷狀態，終於醫番好條腰，希望今次會有不少跳舞表演，諗住令所有女性觀眾尖叫，好似鏡仔（MIRROR）咁。」至於操肌方面，阿聰的確都有諗過，亦有向師傅Brenda提出，但佢即刻應我一句︰「你咪啦，條腰啱啱先好番又搞呢啲嘢，搞到周身傷。所以除衫就未必。」
同樣入圍最佳男主角的梁家輝《捕風追影》，就透過經理人回應︰「我啱啱收到消息我入圍咗香港電影金像獎嘅最佳男主角，但其實我心裏面最高興嘅係聽到名單之後，原來我身邊所認識嘅友好，包括《風林火山》、《捕風追影》裏面嘅演員都有入圍，覺得呢個係我最開心嘅一件事 。其實作為演員能夠有作品入圍，獲得大家肯定係一件開心嘅事。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|