2019年港姐冠軍黃嘉雯的愛駒「飛馬座」出賽僅4次便贏得第一，她笑言愛駒跟自己一樣，都是冠軍級人馬。而她跟男友感情穩定，但暫無結婚之意，專心在事業上打拚，望跟愛駒一齊創佳績。
黃嘉雯（Carmaney）去年榮升馬主，愛駒「飛馬座」早前出賽跑第一，贏得254萬獎金，認真爭氣，Carmaney趁新年期間探望愛駒，又餵食以作獎勵。她自認跟動物有緣，以前曾學過策騎，現時有機會養馬深感光榮，她大讚愛駒謂：「佢係好乖、好溫馴嘅馬，佢個名我有份改，因為我係人馬座，人馬座嘅性格係不羈放縱愛自由，同佢不謀而合，加個飛字畀佢，希望佢好似飛馬咁快。」
她指愛駒出賽僅4次便拿到冠軍，相當叻仔，笑言：「佢同我一樣都係冠軍人馬，當冠軍遇上冠軍，我睇好佢成績會愈來愈好，其實佢第一次出賽我已經對佢好有信心，好多練馬師都讚佢又乖又定又有鬥心。」
談到新年，Carmaney表示會跟家人及親友見面聚首一堂，跟男友拍拖多年的她被問到會否被長輩催婚時，她說：「都會，因為我同哥哥、家姐都未結婚，所以媽媽都有啲心急。（你會點回應？）我通常都會話一年比一年快。」問她會否有計劃在馬年拉埋天窗時，她坦言：「冇，依家呢個階段對我嚟講好重要，剛剛摸索到自己人生目標，工作愈來愈順利，所以想集中事業上。」
Carmaney稱去年主持了不少大騷，今年期望能在劇集及綜藝有所發展：「希望可以接到一個好特別嘅角色，有啲突破，綜藝方面，我好想拍旅遊節目，透過電視節目同觀眾去體驗唔同地方。」演藝事業以外，有投資寵物美容店的她最近新開寵物烘焙品牌，計劃推出更多應節食品讓狗狗也能享受美食。
本文作轉載及備份之用 來源 source: http://hk.on.cc
|
鍾意就快D Share啦！
|
|
|