直播前突收「大信封」 即時停職禁出鏡
阿七接受《香港01》訪問時，還原被解僱的戲劇性過程。她透露昨晚收到主管通知，原定今日直播前返公司「傾吓偈」：「我昨晚收到部門主管通知，今日原定喺直播工作前番公司『傾吓偈』。然後，回到公司後，在會議室有2位人事部職員，通知我「被中止合約」，我問實際原因，職員回答：唔需要答我，但係主管唔滿意我表現。我現時被停職（所有直播抽起）包括今晚原定的直播，已經出哂promo和我準備給觀眾的新年禮物都被攔截。我的終止日期為2026年3月9日（今日起計1個月） 哩段期間，我唔方便發表任何對公司嘅評價。」
疑因辦公室政治遭殃 阿七：不迎合文化受到某種對待
對於被指「主管不滿表現」，阿七感到無奈。她自問轉型後搏到盡，即使惡劣天氣亦緊守崗位，直言：「只能講有粉絲、有業績，但係『疑似』因為樹大招風、不迎合辦公室文化而受到某種對待。」這段期間阿七表示不便評論公司，但字裡行間難掩失望。她特別提到對街市前線同事的不捨：「多謝佢哋同我一齊拼搏咁耐。」
無悔轉戰街市 獲前大台同事招手
雖然突遭解僱，但阿七心態相當正面。她坦言當初由藝人轉做街市主播，不少人覺得「好折墮」，但她認為這段經歷令她成長不少：「哩個係好好嘅地方，檔主熱情直接、觀眾都係忠實有愛，佢哋真係會煲涼茶嚟探我班。」未能與街坊好友一一道別，是她最大的遺憾。
至於未來去向，阿七大派定心丸，透露已有前TVB同事聯絡她洽談拍攝工作，同時亦會繼續專注小朋友話劇教育工作
本文作轉載及備份之用 來源 source: http://www.hk01.com
|
鍾意就快D Share啦！
|
|
|