藝人江嘉敏（Kaman）自2022年與拍拖3年多的電競高層男友分手後，及後曾被爆秘戀富貴醫生，雖然她本人否認傳聞，但卻經常晒收花相，令戀情疑幻似真。江嘉敏昨日趁情人節無預警晒婚照，更寫道：「不是所有的相遇都能相守，不是所有的陪伴都能長久，感恩遇見，珍惜相守，願往後餘生，有風有雨，有你相伴；有甜有暖，有你相依。」穿起白色婚紗的她，樣子甜美，在鏡頭前大擺甫士，當中一幅更驚現一位男士倒影，莫非就是真命天子？
Kaman接受東網訪問，被問到是否好事近？她解釋純粹是玩玩性質，她笑謂：「如果我話畀你聽，嗰個係攝影師嘅助手，大家會唔會好失望？哈哈！其實呢幾年年年都會影相嘅，咁今年想影啲特別啲嘅，本身攝影師都合作開嘅，佢最初都話有啲難度，因為要燈同好大嘅場地先做到喎，好好彩我又識朋友肯一齊玩新創作，所以咁咪影囉，出到嚟個效果都幾好呀，我都好鍾意，可能第時結婚攞返嚟用囉，哈哈！」她表示每年都有收花，難得今年情人節卻一束花也沒收到，更笑指自己有買花送給一位女仔朋友，認為雖然沒有花收，但送花給別人一樣開心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|