梁琤當年曾參加亞洲小姐，雖未能進身決賽十強，但其後得到電影監製賞識，主演其首部香港電影《黑貓》，從此打開銀色旅途，梁琤還憑片中「Erica」一角獲得1992年香港金像獎「最佳新演員」獎，之後也先後參與多套動作電影，奠定打女形象。
不過，梁琤在1995年拍攝電影《影子敵人》時，卻意外被燒傷入院，需要接受植皮治療和休養數月，手腕至今留下疤痕，並對她留下陰影；其後梁琤轉戰電視圈，積極改變以往硬朗形象，《烈火雄心》、《金枝慾孽》等劇集令她成功入屋；可惜之後爸爸不幸患上癌症，孝順的梁琤不惜花費七位數醫療費，更為了照顧父親，選擇息影，陪父親四處醫病，但其父最後也是不敵癌魔離世。近年，梁琤轉戰內地發展，並積極經營社交平台，不時拍片分享近況及穿搭心得，即使年過半百，但依然非常省鏡，是公認的「美魔女」。日前她接受了香港演藝人協會的訪問，大談入行經歷。
梁琤當年20歲報名參加1990年的亞姐，同屆佳麗有冠軍吳綺莉、楊玉梅以及陳寶蓮。她憶述參選心態非常單純，就是貪靚，「當時有一隊專業團隊幫你扮靚，當時嘅我根本接觸唔到，亦都無諗到原來可以著旗袍，又有人幫你整頭髮，由細至大都無咁樣嘅事情發生過，我相信每一個女仔嘅天性都係愛美。另外，最吸引我嘅係當年亞姐有兩萬元零用錢，仲可以去法國！」她坦言當時從未想過會入圍，更沒料到這會成為她演藝事業的起點。
初出道時，梁琤以動作女星身份踏足影壇。她表示當時自己很新，從未想過自己「有幾叻」，或者好像打倒了200人，只是全心投入演好角色，即使電影出來受歡迎，她依然是那個很平靜的自己，也不會覺得自己很紅，「反而演完第一部戲後，我就開始覺得演戲好特別，可以跳出現實嘅我。」梁琤又分享了多段驚險拍攝經歷，包括在香港某高山拍《烈火雄心》時，要在兩個峭壁上設一條「過江龍」，「那裏真係很高，我需要設一個安全網，然後行出去嗰個威也中間，下面再吊多一個人。」
梁琤當年那場戲幾乎是「搵命博」，她直言：「如果嗰度萬一有咩意外嘅話，就真係乜都救唔返。」當時除了很需要膽量外，梁琤強調對香港動作指導團隊充滿信任：「如果唔係佢哋比到信心我，我絕對無咁嘅膽量爬出咁高嘅地方，仲要係吊喺空中，下面仲要吊多個人，如果真係有意外就無架了。例如我又試過在二樓，從後穿過玻璃墮樓，呢啲都係歸功於香港嘅武術指導，佢哋安排得好好，我先夠膽做。」
演藝生涯中最令梁琤難忘的，莫過於拍攝《影子敵人》時的意外。當時因爆破場面導致她手部嚴重燒傷，甚至需要植皮。她形容當時傷勢也不是很嚴重，只是在手上比較難看：「依家好咗好多，但之前係好多白色。我記得當時燒後之後去到醫院，佢哋搵條布包住我，一打開嘅時候，好似『豉椒鳳爪』咁，脹到好犀利。」
儘管傷勢嚴重，但套戲還有一半未拍完，梁琤為了不影響拍攝進度及增加劇組成本，竟然選擇拒絕法律追究，並在傷口未完全愈合的情況下，堅持拍完剩下的戲份。她表示：「當時有啲朋友幫我安排咗法律追究，但我話唔追究了，因為套戲未拍完，如果再追究嘅話，個成本會更加大。當時我就即刻拍埋收尾嗰啲（戲份），我覺得當一個團隊合作嘅時候，我唔想擺太多個人情緒喺度，我會為大局，想成件事圓咗先。因為拖得耐，成本就愈高。我一直都係抱著呢個心情去做事。唯一最令我自己唔舒服嘅，就係令屋企人擔心。」
梁琤坦言燒傷後的確留有陰影，有短時間非常大壓力，每次聽到家中煤氣爐聲時，就會由心裏面驚出來，但現在已經沒事了，「我覺得自己非常幸運，因為我嘅傷係表面嘅傷，無話傷到好深層。」
雖然以「打女」成名，但梁琤其後轉戰電視圈，積極改變以往硬朗形象。她坦言最喜愛的角色是《金枝慾孽》中的「福貴人」。她感觸表示，這個角色讓觀眾看到了梁琤溫柔的一面，也成功打破了大家對她只能「打」的刻板印象。另外，梁琤對香港動作片仍抱有熱誠。她感性地說：「雖然香港地方好細，但每次拍出來嘅動作片可以聞名世界，我好希望大家繼續支持香港動作片。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
