「聲夢小花」鍾柔美日前為謊稱「A0」而聲淚俱下道歉，更試圖用單親家庭的身世博同情，隨後卻被翻出公開多謝爸爸的舊片，遭網民喪插「大話冚大話」。而她有份參演的新劇近日釋出宣傳片，當中不見其身影，惹來遭無綫雪藏之說。
現時19歲的鍾柔美（Yumi）早前喊住承認「細個唔識諗」才講大話自稱「A0」，又指：「可能唔係喺一個正常家庭長大，所以我先有呢啲事情。」試圖打感情牌求外界體諒。她感激在夜總會唱歌的單親母親將她撫養成人，還以孝順女姿態念親恩謂：「小時候只和媽咪一起住。」可惜換來網民揶揄她靠身世博同情。
而近日Yumi再被翻出疑似另一個大話，社交網流傳一段她5年前參加《聲夢傳奇》比賽的影片，其背後的大螢幕播出她由BB女到學生的成長畫面，當時穿着黑色短裙的Yumi站在台上，向鏡頭說：「我屋企嘅大廚，佢知道我喺比賽期間好多排練，好大壓力，所以只要每次比賽完返到屋企，佢就煮好多嘢食、好多甜品畀我，多謝Daddy。」笑得相當甜，完全是幸福家庭掌上明珠的模樣。
屋企闊落 似足公主
影片隨即惹起熱議，有網民留言：「其實佢究竟係同阿媽住定阿爸住，好亂，希望Yumi真係知自己衰咩，有時候真係唔可以賴晒家庭背景。」更有人質疑她重複犯錯，簡直是「大話西遊」：「可能佢媽咪個名叫Daddy。」本來想洗白，看來愈洗愈污糟。同時網民繼續「考古」，指她比賽期間曾拍攝家訪片段，見其居住的村屋擁有巨型客廳，闊落到可以擺放電子琴、色士風等大量樂器及咪箱，還能在大天台起舞，加上飼養了7隻小狗，似乎是中產家庭的「小公主」，令網民質疑何慘之有？
眼看Yumi是非纏身，無綫依然將於下周一推出由她夥拍張曦雯、陳瀅、羅毓儀及馬貫東出演的新劇《臥底嬌娃》，惹來力挺之嫌。不過近日無綫一口氣播出兩條劇集官方宣傳片，其中張曦雯、陳瀅和羅毓儀穿上性感晚裝騷Quali，張曦雯還大展身手，打到男演員落花流水。同時，她們的可愛動漫造型亦曝光，陳瀅化身「春麗」展現超強踢腿功，羅毓儀則以貓咪Look賣萌。至於以往皆有現身劇集宣傳的Yumi今次不見蹤影，只在演員名單最後位置低調出現，有網民留言問：「Yumi去咗邊？」引來被無綫全面雪藏之說。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
