麥亞里士打成絕殺英雄。(Getty Images)
英超前4爭逐白熱化，利物浦周日(22日)作客1比0險勝諾定咸森林，追到同車路士、曼聯(踢少1場)同得45分，歐聯資格爭持非常激烈。利物浦今場表現差勁，但靠阿歷斯麥亞里士打「2度絕殺」，戲劇性全取3分。
利物浦開波前熱身有域斯受傷，臨場變陣下表現極差，上半場被森林壓住嚟打，只係主隊把握唔到，半場踢成0比0平手。換邊後利物浦有起色，艾基迪基同居迪斯鍾斯都有黃金機會，但同樣轉化唔到入波，尾段兩隊踢得開放，互相駁火。
完場前出現高潮，艾基迪基喺89分鐘頭槌被擋出，森林球員解圍省中麥亞里士打彈入，點知VAR檢視認為麥亞里士打係用手擋入，將絕殺取消。去到補時7分鐘，華基爾雲迪積克頭槌又喺龍門口被救，麥亞里士打再次執雞射入，今次VAR判佢僅僅冇越位，「2度絕殺」成功。
利物浦依家同車路士，以及踢少1場嘅曼聯同分，領隊施洛賽後表示：「上半場表現好差，係我執教利物浦以來最差，下半場好好多，我覺得今場係賺咗，不過我哋之前都有好多場比賽係踢得好而失分。」
對於麥亞里士打完場前「2度絕殺」，施洛就話：「自從有咗VAR之後，我已經唔係好敢慶祝，因為隨時都有事發生緊。麥亞里士打第1球詐胡係冇運，第2球終於得到幸運女神眷顧。」
足球博彩神器，每日重心提供盡在《彩報》：http://win.on.cc/football/
本文作轉載及備份之用 來源 source: http://hk.on.cc
|
鍾意就快D Share啦！
|
|
|