北上深圳求醫 癌細胞擴散至腦部
身處香港大學深圳醫院的吳文忻，大讚院方收費便宜且醫療團隊專業，然而殘酷的報告卻隨之而來。她透露日前照完核磁共振（MRI），醫生告知癌細胞已擴散至腦部，病情極其嚴峻，寫道：「#誓要做抗癌生還者見證💪💪💪 #香港大學深圳醫院 #我身體的最新狀況 #癌細胞周身都係 #癌細胞上腦🥹」
躺在病床上的吳文忻一臉疲態，開始說話時有點破音，唉聲嘆氣說：「我喺呢度照晒MRI各樣嘢，唉......嗰日醫生同我講話照完MRI見到原來去咗個腦到，之前去肝，好少嘅啫，1cm左右，但兩邊都有。當然好擔心同恐懼，我嗰晚都爆喊係驚，咁上腦喎係咪先，但醫生同我講，如果化療藥係有用，係全身嘅癌世胞都殺到，包括腦嗰啲。」
深夜崩潰爆喊：我覺得上天唔會俾我咁快走
她坦言是很大的衝擊，令情緒瞬間崩潰，說時眉頭緊皺，續說：「上腦喎係咪先，嗰晚爆喊得更犀利，但現在內心更強大，我覺得上天唔會俾我咁快走，上天俾我一個經歷，包括過去兩三個月俾我好接近死亡嘅感覺，包括我每晚聞住呢個酸餿臭味嘅感覺，包括我之前真係覺得自己得¼條人命好辛苦嘅感覺，包括現癌細胞走到周圍都係嘅恐懼、擔心嘅感覺，我反而好有信心，我一定會好返喎！」
憑信念盼做癌症生還者見證
吳文忻表示現在的「信心信念」指數爆燈，比以往更加強大，她說：「雖然咁講但幾大衝擊，呢啲都係上天俾我去經歷，之後真真正正去做一個癌症生還者見證，用呢個見證經歷去話俾所人聽唔好放棄，強大信代會令你好我反而嚟緊使命同目標，係做一個癌症生還者見證，雖然報告話我聽啲癌症走到周圍都係，但唔緊要我一定會好返，信我，我知大家一定會支持我嘅係咪。」最後都輕嘆了一聲。
本文作轉載及備份之用 來源 source: http://www.hk01.com
|
鍾意就快D Share啦！
|
|
|