視后佘詩曼與ERROR成員肥仔是「雀友」，不時都會相約打牌，今日阿佘網晒合照，透露再相約牌局，她笑言出門前被佘媽媽質疑技術：「媽咪：『唉，你唔夠人哋打㗎，嗰個肥仔咁勁，不過唔緊要啦，玩吓之嘛，又唔係打得大，玩吓囉』（聽得出佢對佢個女我係零信心）」，但由於肥仔有工作在身之後才加入，故阿佘信心滿滿。她到場後先與MIRROR成員Jeremy、Edan及Jer開枱，她風趣地報道戰況：「一出閘⋯我同 Jeremy節節領先！中段雖然被Edan、Jer後來居上，狠斬我百幾番，但係我積谷防飢，一直處於穩守狀態。」
後來肥仔加入，令戰局起變化：「尾段肥仔做完嘢嚟到，開頭教我打都好哋哋，但係因為我今日要做嘢，所以未打完、未計數我就要走，諗住肥仔幫我頂掂硬啦，點知…佢話輸咗鋪二百幾番畀Jer！結果我辛辛苦苦賺番嚟嘅錢，畀佢一鋪清袋，即係話……我一蚊都冇贏到！」最終阿佘被肥仔累到慘敗，她更質疑：「我絕對有理由懷疑佢哋係夾埋㗎！」而有份打牌的Edan更留言自爆：「唔使懷疑，係夾埋，下次再打」，罪魁禍首的肥仔則表示：「老貓燒鬚」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|