圈中好友鼎力相助
海俊傑求助一出，迅速獲演藝圈響應，古天樂、曾志偉、郭富城、天盟娛樂培哥等紛紛捐款，短短時間籌得逾百萬醫藥費，讓莫家慈有機會接受治療。 海俊傑曾公開感激：「對大家的積極迴響、關心問候、和慷慨解囊，心底裡實在萬分感激。」
海俊傑於11月29日終於發文哀悼，透露太太離世時「走得平靜沒有痛苦」接著他感激所有曾伸出援手的朋友們，「在她的生命裏，有幸能感受到大家的愛與關懷，這是她人生中最珍貴的禮物。如今，她終於可以放下一切的痛苦與困擾，得到永恆的安寧。」
情緒低落仍堅強面對
有指海俊傑自愛妻離世後深受打擊，情緒久久未能平復，令外界擔心不已。久未露面的海俊傑，今日（6/3）現身梨木樹出席《馬到福到新春銀齡音樂會》，他接受《香港01》訪問時表示：「其實上一次返嚟我見過牧師，有見過我表姐陳慧珊，又約喺我同太太結婚嘅地方見面，牧師都話呢啲Depression係好正常，即係你同你嘅伴侶咁多年，有 Depression好正常，好正常即係 取決於有幾耐，我個朋友就即刻 Google搵相關資料，話呢個情緒可能係年計，可能有啲人唔明，但我會話俾佢哋知。」
夢中重遇愛妻 笑容成最大安慰
被問到有否夢見過太太？海俊傑表示：「我唔係發夢見到佢，但我唔知我係咪幻覺，當然我就唔驚，我瞓覺嘅時候，差唔多晚晚見到佢喺隔離企喺度，我見到佢係笑⋯⋯⋯（會感到安慰？）係。所以啲人如果知道，Depression正常人係冇可能幾個月好返，除非你對佢一啲感情都冇啫。（有冇同佢講嘢？）我有同佢講我好愛你。（佢啲物品仍留住？）佢啲衫就會抌，我唔係唔捨得抌我而家冇力抌。當然好有紀念價值嗰啲我梗係唔會抌。」
失去摯愛，是人生中最痛的課題。對海俊傑而言，太太的離世曾令他整個世界崩塌，他的生活像被抽走了顏色，每一個清晨都像在黑暗中摸索。然而，就在無數次的崩潰與沉默之中，他漸漸學會了站起來，繼續走屬於自己的路，積極投入工作。
挑戰反派角色 短劇演出體驗新啟發
早前海俊傑為內地拍短劇，令他大開眼界：「微短劇一分半鐘一集 ，89集，我做反男一，有少少穿越嘅幾得意嘅，兩日就搞掂晒，變咗要返嚟做配音，因為會出海外。其實我覺得演反派係好玩啲。點解短劇監製搵我做呢個角色，係因為佢睇過我喺《刑偵》入面個奸角，就覺得我能夠演到穿越嘅一個靈魂，呢一個奸嘅靈魂，去咗現代控制現代嗰個嚟到做壞事 ，佢覺得我做到呢個分裂 ，所以就搵咗我。」
恩愛夫妻的點滴回憶
海俊傑與化妝師莫家慈於2012年在北京工作時相識，2017年在澳洲墨爾本舉行婚禮，同年9月返港補辦婚宴，婚後感情甜蜜。 海俊傑曾自爆年少時是「爛蒲浪子」，遇上太太後轉變為寵妻暖男，形容她「是我一生最貴的禮物」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
