入行12年的無綫藝人謝可逸，2014年加入後專門於劇集中飾演小混混、手下、討債人士、公司職員等閒角，近年終於憑處境劇《愛．回家》飾演匪徒「何賊」而被人認識，他最知名的演出是2020年取代周柏豪在《使徒行者3》中出演歡喜哥近身助理。
不過近日有人發現無綫藝員網站已將其名字刪除，就連社交網都轉為私人模式，行蹤相當低調。但原來謝可逸已有一段時間未有現身《愛．回家》，近期《愛．回家》中賊人角色改由不知名新演員飾演嗎，而他最後一次演出是在《新聞女王2》飾演SNK攝影師及工程部主管九哥。謝可逸疑似離巢消息傳出後，不少觀眾都表示不捨，又好奇他之後的去向，猜測他可能會轉投其他電視台抑或轉做幕後工作，不過目前謝可逸仍未有對離巢一事做出回應。
謝可逸入行多年一直星途平平，其最為轟動的莫過於2020年11月爆出背住拍拖6年的歌手女友謝文欣出軌，偷食失婚醫美公司CEO，更有消息指疑似搞大對方個肚，要奉子成婚！對此，謝可逸接受訪問時表示：「冇回應！（唔使幫自己澄清吓？）唔需要澄清，自己知道發生緊乜嘢事，總之唔係佢哋講到咁樣！」至於謝文欣則表示已於年初與男方分手，對男方私事不作回應。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
