台灣女星大S（徐熙媛）離世已滿一年，近日有傳S媽與具俊曄為大S遺產擘面，有指S媽甚至搵李靚蕾委任嘅律師團隊防住具俊曄，具俊曄亦搵律師暗地裏爭遺產，不過就被小S（徐熙娣）代為否認。最近台灣終於都有大S遺產安排消息，有相關人士表示，具俊曄的真正想法是避免資產被大S前夫、內地富二代汪小菲獨佔，希望讓最終受益人為大S子女，呢點同S家人理念一致。
據熟知S家嘅友人透露，目前具俊曄與S家人對於大S遺產後續規畫已達成共識，首要目標係守護大S留下嘅一切，確保資產能落實於兩位孩子身上，並無外界傳聞嘅不和。具俊曄喺完成繼承程序後，有意透過信託制度管理，以保障孩子們未來的生活與教育資源。
至於外傳S媽有意另請律師爭奪遺產一事，其實係大S生前本就有長期合作嘅律師團隊，具俊曄決定延續合作關係以處理法律事務。不過S媽因不滿該律師團處理大S與汪小菲離婚時嘅做法，先決定另請曾協助李靚蕾嘅律師團隊幫忙。針對此消息，截稿前S家尚未作出回應。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
