金馬影后馬思純演技出眾，獲獎無數，不過佢嘅感情世界就惹人詬病，因為佢2021年同樂團「盤尼西林」主唱張哲軒（曼樂）交往，過去男方曾被床伴爆料係渣男，不愛戴套仲會寸爆女方，私生活混亂。近日，馬思純上網台節目時，終於親口證實已經恢復單身，令「馬思純張哲軒分手」關鍵字登上熱搜第一名，更獲全網祝賀。
馬思純最近現身網台節目，坦言過去係戀愛腦，但現在長大了，好享受自己單身嘅狀態，又唔想再用好多能量改變自己去迎合別人，碰到呢個人合適就合適，唔合適就算數，單身也自強。主持問佢未來交往是否會以結婚為前提？馬思純話自己依家態度係「隨便」不強求，亦強調唔會再想隨意談戀愛。
馬思純說：「我並沒有說我沒有感情就會受不了！」佢又回憶去年事業為佢帶嚟滿足同成就感，佢唔需要一定要有一個人陪先算係體驗人生，亦唔在意依家單身時期會有幾長，如果要佢重新選擇，絕對唔會答應對方「我們就在一起一、兩年就散」，明知結果唔好，佢都唔會再一頭熱，希望下個對象係善良、穩重，一開始就知道值得相信嘅人，似乎暗指前男友人品麻麻。
聞此，大批網友留言：「天啊！終於脫離苦海了」、「很久很久以前就預言早晚分手，馬思純就是個戀愛腦，最容易被那種痞子騙」、「放煙火放鞭炮」、「祝賀祝賀」。其實早年曾傳出馬思純已經買好鑽戒，等男方求婚，去年馬思純粉絲又曾爆料女神同張哲軒已經分手，依家總算得佢本人證實傳聞。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
