富二代歌手旨呈（鄺旨呈）向來有米，其妻是2017年落選港姐李清心（Katarina），她在2023年突然宣布誕下一子。李清心近日宣布再度懷孕的喜訊，但原來她在懷孕初期相當驚險，她上載了一段短片，並分享懷第二胎的恐怖經歷：「懷孕日記📓第一孕期沒有過得太簡單😌發現出血的那一刻 ⋯」
她在片中透露，當她得知自己懷孕後即興奮地向媽媽及朋友公布喜訊，但其後她發現自己下體流出暗紅色分泌物，嚇到她即趕往急症室：「可惜（懷孕）周數太細喇，乜嘢都照唔到，聽唔到心跳，惟有休息一個禮拜等下次覆診睇吓有冇心跳啦。呢個禮拜真係好漫長，心情跌落谷底。」期間李清心下體持續出血，她更晒出染有啡血及鮮血的衞生巾，令人擔憂！
李清心坦言十分憂慮，既想返工，又想陪兒子，但由於身體狀況不穩，令她重新審視自己的生活，決定好好休息，直至覆診當日終於放下心頭大石：「我終於聽到心跳聲喇，雖然啲血冇停，但係個胎每個禮拜都有長大，屋企人知我唔行得，仲特登用輪椅推我出去，等我可以唞吓氣。」幸好在她重返工作崗位的第一日，流血的情況終於停了，最後她興奮宣布：「2026年，我又要做媽媽喇！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|