歌手吳業坤傳將離開合作4年的唱片公司，但就算卸下「TVB Music Group一哥」光環，其「錢途」依然未受影響，近月頻頻北上賺人仔，繼月初在廣州舉行10周年巡唱後，日前再移師中山舉行「The Missing Ten 2.0」。
騷上他大唱經典廣東歌，謙稱因愛品嘗地道美食而增磅，但穿上背心恤衫時，一雙強勁麒麟臂絕不失禮！不時講爛Gag搞氣氛的他，兩度走入觀眾席繞場一周，又坐在台邊獻唱，有網民形容：「感覺吳業坤坐在我大髀唱歌。」
騷前失聲險破功
完成演出後，他大方與粉絲合照，當中不乏青春少艾，過去緋聞女友多達18位的他，婚後依然異性緣旺！昨日他接受訪問，問到日籍太太濱口愛子可有提醒他謹記「人夫」身份？他誠懇地說：「就算太太唔講都『自動波』記得我首《愛情求生案內書》就係講點樣令屋企人放心，同大家影相嗰陣，我會保持合理距離，可以傾吓偈、開心吓，依家係網絡時代，要靠大家互相支持。」
今次是他首度到中山開騷，怎料臨演出前病到失聲，感恩最終順利完成：「功力有番8成，好多主辦商捧場，佢哋都有興趣合作開騷，支持我呢個10周年巡唱，希望長做長有，繼續有機會唱歌畀大家聽。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
