藝人鄧麗欣、許恩怡日前亮相大型派對，許恩怡今年第二次角逐香港電影金像獎影后，剛巧鄧麗欣都曾兩度入圍，演技備受肯定，兩人難得同場，話題當然離不開電影，許恩怡更提議一齊拍後宮爭寵戲，鄧麗欣則搞笑指：「年齡有少少跳喎，一定唔揀我」
藝人古天樂、鄧麗欣（Stephy）、許恩怡（Natalie）、岑麗香、譚旻萱（Mandy）以及林熙彤（Hazel）等日前於中環出席「寰亞之夜」派對，集團老闆林建岳亦有現身。Stephy主演的新戲《大分瓶》即將上映，直言希望可以快點宣傳：「Hazel都有份拍，下個月初電影節首映。呢個故事係講打保齡球，嗰陣我都花咗啲心機去練習，拍出嚟都打得唔錯，大家可以入場睇吓我打得似唔似。音樂方面我今年都會有新歌推出；藝術方面，5月會再有展覽，有少少壓力，因為依家進度一般。」並揚言三線發展要加把勁。
Stephy曾奪得香港電影評論學會影后獎項，亦曾兩度入圍香港電影金像獎，剛巧Natalie今年憑電影《無名指》第二次角逐金像獎影后，兩人惺惺相惜，並跟Hazel及劉沛蘅（Hillary）雞啄唔斷，4人相當好傾。Natalie被問到今年與好戲之人馬麗、廖子妤、章子怡和陳法拉等前輩爭獎，感受如何？她謂：「非常榮幸同埋感恩，因為其他入圍嘅4位女演員我都非常敬佩、非常鍾意，我有睇晒佢哋嘅作品，可以同佢哋坐埋一齊，感覺好似發緊夢。」
拍劇新丁譚旻萱感窒息
當晚有不少電影公司老闆和導演出席派對，是毛遂自薦的好機會，問到4人最想演甚麼角色和題材？她們七嘴八舌，Hillary說：「我見到大家就諗到電影《六樓后座》，成班好朋友同居嘅故事。」現年22歲的Natalie建議拍後宮爭寵題材，比她大廿年的Stephy則笑說：「後宮佳麗三千？年齡層有少少跳喎，一定唔揀我」Natalie表示：「話唔定㗎！」Stephy和Natalie的演技早已獲得外界認可，不少網民都期待她們能有機會合作，帶給觀眾驚喜。
於電影《夜王》有不俗演出的Mandy，早前與何嘉莉、陳嘉寶合作拍劇，首次涉足劇壇的她透露：「成個劇組嘅氛圍非常之好，拍攝過程好開心，今次我演嘅角色情緒起伏好大，好有挑戰性。拍電影同拍電視劇嘅節奏好唔同，第一次埋位感覺好似就嚟窒息；之後慢慢習慣，係一次好好嘅經驗，學到好多嘢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
