藝人蔡思貝近日於社交網宣布離巢無綫，結束了13年的賓主關係。她早上（15日）參與單車慈善活動，是離巢後首次現身公開活動，無綫方面則未有派員採訪。
蔡思貝受訪時透露跟無綫合約是在今年完結，她説：「2026年有一個新開始，咁啱我2月6日生日，係一件好事。（2月6日Last day？)唔係，不過先要處理好自己嘅心情，所以係過咗一排先正式公布。」問到公司可有挽留她？她表示就如子女向父母要求留學一樣，她向公司表示想外闖，公司也贊成，大家是有商有量。談到她約滿前一直被傳雪藏，問到是否因沒有劇拍才意興闌珊決定離開？她説：「唔係，我都有拍綜藝節目同去美國登台，仲解鎖咗我唱歌技能，依家都有學唱歌，同公司唔係不歡而散，日後有機會再合作會隨時候命。」提到她特意發文點名感謝樂易玲、曾勵珍和曾志偉3人，她解釋説：「由我選港姐開始到拍劇同綜藝節目，都係多得佢哋畀機會我，其實仲有好多人都幫過我，例如台前幕後好多並肩作戰過嘅人，因為實在太多人寫唔晒。」
談到未來動向，她表示想先淺嘗獨立的感覺，但承認有跟不同單位洽談合作的可能性：「但現時呢一刻仲係自僱人士，所以希望朋友們呢排唔好叫我請食飯住，最好請我食飯，哈哈！」問到是否準備進軍大銀幕？她表示是其中一個目標，除了拍電影也想挑戰舞台劇：「唔同語言嘅工作都想試吓。（向內地發展？）係內外兼備，有好消息再與大家分享。（簽約周星馳公司？）仲有好多可能性，想再發掘吓先，我哋無傾過，有緣人係要尋覓，我無話畀佢知我離開咗無綫，希望佢有留意我嘅社交平台。（《女足》今年上映？）唔知道，但好期待。」
提到有指她雖然兩年無工開，但因獲照顧因此生活依然富貴，她笑指有父母和朋友照顧：「其實咁多年嚟我喺在社交平台分享嘅相同片都係喺同一間屋影，一直都係住喺同一個地方。」她表示自己現時單身，但笑言早前去拜年時被親戚被追問何時生B，覺得大家可能擔心生育有年齡限制，坦言自己對感情事一切隨緣，現時希望專注發展事業。另提到她早前被拍到坐於花槽旁單腳踩在行李箱上，被指坐姿怪異，她解釋當時正在拍攝工作照，沒有察覺到有人在偷拍她，指對方在很遠距離拍攝，加上角度問題，結果把她的腿影得很短。
本文作轉載及備份之用 來源 source: http://hk.on.cc
|
鍾意就快D Share啦！
|
|
|