藝人張致恒（Steven）與太太區燕雯（雯雯）結婚後四年抱四，即使曾陷經濟拮据，但仍然咬緊牙關落力搵錢，養活一家，堅毅不屈的精神令人敬佩。曾做過地盤、搬運工人的他洗心勒面做好老公和好爸爸，今日在社交平台分享了展示手臂和黑手掌的相片，意味着他透過勞力和汗水去換取收入，他表示：「首先我要感謝七師傅一直以嚟嘅幫助，因為冇佢嘅幫助，我都真係過得幾困難，仲要多謝 曾經幫過我嘅咁多朋友，我只能夠講 對唔住依家嘅我仲未有本事還到錢，但係我從來冇忘記過每一個人嘅恩惠，亦都從來冇諗過唔還錢， 七師傅係一個好好嘅人 好有善心 成日都會主動問我哋過成點，都會問我嘅小朋友，有冇飯食，間唔中仲會買啲零食畀佢哋。」
他表示現於一間大型電器連鎖店工作，透露：「其實做咗差唔多一年嘅時間，呢一年裏面我都好努力去做嘢，好多人問我點解唔去攞綜援、申請公屋，其實公屋呢，就已經申請咗一段時間，但係呢個世界唔係話人多就可以快啲攞到屋，同埋我真係唔想去攞綜援，因為我好鍾意工作我好鍾意做嘢，同埋我想提醒一下我係有四個仔，大嗰啲唔飲奶粉唔代表細嗰個唔飲奶粉，再加上我哋唔係飲貴奶粉，最細嗰個未戒到尿片，其實有好多嘢我懶得解釋，要唔信你嘅人永遠都唔會信你。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
