藝人馬貫東2006年投身無綫藝訓班，近日終於得償所願，於新劇《臥底嬌娃》以男主角身份上陣，他覺得入行20年累積了一定經驗，是時候挑戰男一位置。提到《臥》劇是他第二次擔正男一，還有一套未播出的《死有對証》，他坦言今次要將劇情貫通25集，比《死》劇似單元形式難度更高。
說到劇中要跟張曦雯、陳瀅及羅毓儀幾位靚女合作，馬貫東笑謂：「咁多TVB最靚嘅女仔圍住，好開心、好歡樂，哈哈！」他指與3位女生相處融洽，不時有講有笑，笑稱雖然自己很多時「傾唔埋欄」，不過大家熟落，故不感尷尬。而劇中雖然跟張曦雯和陳瀅都有感情線，但只有開花沒有結果，他不諱言人生也遇過幾次這種情況，表示：「讀書又有，隔籬個男同學靚仔啲；出嚟做嘢又有，隔籬個朋友生活穩定啲又靚仔。（你唔靚仔咩？）相比TVB有做過男一嘅演員嚟講算係唔靚仔。」他笑稱想成為實力派演員，但還有一大段路要行，要繼續努力改進，表示：「睇最初播頭5集我已經覺得自己有好多嘢要改，包括聲線、壓場感同氣勢，可以做得再好啲。（畀自己幾多分？）可唔可以唔合格？哈哈！説話聲線太沉唔夠突出，唔突出自己，作為一個男一如果有呢個情況出現已經唔合格。」提到網民對他表現反應兩極，指他未夠男一味道，他坦言也有同感，表示：「喺男一個領域自己仲係新人，要再畀啲時間同經驗去改善。（評語令你唔開心？）冇喎，有評語話我唔靚仔，我都有回覆話真係冇辦法，哈哈！」
談到劇中跟張曦雯有不少親密戲，他笑指雖然向來視對方為男生，但自爆二人拍吻戲時因尷尬而NG，表示：「我一錫就錫歪咗，因為我比較少拍錫戲，5隻手指數得晒。」他感激拍檔一直幫忙才不用花太多時間去完成這些鏡頭。
提到他近年發展寵物美容生意，更於內地開設學校培育人才，馬貫東感激自己師傅兼拍檔的幫忙，才讓他可同時兼顧演藝事業和生意。提到公司開劇愈來愈少影響收入，他坦言經濟環境差，整個演藝行業也不景氣：「係我哋不能控制嘅事，但都要做好自己先，唔好畀自己有絕望心態，你做好啲人哋係會睇到，寒冬期我相信唔會好耐。」
已單身3年的馬貫東被問到幾位拍檔中，可有他喜歡的理想型時，他大讚她們各有自己喜愛的特質，表示：「張曦雯夠高又聰明、陳瀅識煮飯，煮完攞返嚟喺廠一齊食，好食㗎！羅毓儀雖然嘈，但有時蠢蠢哋夠可愛。（又要醒又要蠢？）鍾意啲平衡少少，唔好太蠢成日畀人呃，哈哈！」他自認有時會大男人，曾經試過跟性格大女人的女生拍拖，最終分手收場。對於感情，他持隨緣態度，認為跟圈內或圈外人拍拖各有各好處，指家人有擔心他將來沒人照顧，曾想介紹女生給他，但笑指自己沒有理會。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
