親自操刀尋訪旅居港人
陳志雲表示，表示節目會親自尋訪移居當地的香港人。他笑言：「我會搵啲喺當地生活咗好耐嘅香港人，了解下佢哋嘅近況同適應程度，呢個亦係節目嘅重點之一。」
被問到會否邀請昔日好友擔任嘉賓，陳志雲直言首選是1976年港姐林良蕙：「當年佢代表香港選環球小姐入到前5位，除咗佢個齊陰頭，大家對佢好爽、好『癲』嘅性格都好深印象，雖然佢依家喺英國好難聯絡，但我都好想試下搵佢。」
嘆TVB減產播外購劇：好可惜
作為前TVB高層，對於TVB近期大量減產，兼在黃金時間播放外購劇，被指步亞視後塵。陳志雲坦言感到可惜：「我哋以前係以自製劇為主，外購劇為輔。如果黃金時段播外購劇，製作部係好大阻力，特別現在都係董事嘅曾勵珍小姐，會發曬惡。而且電視台應該反映本地文化，呢樣嘢一定要透過自製節目先做到。」
他指出，明白買劇成本較低，但會令本地節目的影響力下降。他認為只有能引起本地共鳴的作品，才具備衝出國際的實力。
自爆被蔡少芬拒絕訪問
此外，陳志雲近年積極經營YouTube個人頻道。他笑稱現時做媒體門檻低了許多，但也遇過邀約失敗的經歷。他自爆曾想邀請好友蔡少芬上節目，卻遭到對方的經理人委婉拒絕，「我聽朋友講，原來蔡少芬話唔敢俾我訪問，可能覺得我啲問題好尖銳、好兇猛。其實我好和藹可親㗎！」陳志雲隔空向蔡少芬喊話：「蔡少芬，唔怕架，我哋只係傾下偈，我唔會撩人瘡疤㗎！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
