台灣天團五月天今年迎來成團29年，尋日（9日）公布香港站有變動，由原本3月24日一場，調整為3月25、27、28、29日舉行，正式加入3月29日「成團日」變生日限定，同港迷一齊慶祝別具象徵意義嘅日子。惟消息一出，早前已經買咗24日場次嘅Fans，雖然主辦方將會為已購買3月24日場次觀眾自動辦理退票安排，所有費用將全數原路退回至用戶購買門票付款帳戶，但仍有大批當日買咗飛嘅Fans大呼失望。
有唔少「苦主」於網上呻，指主辦方於取飛前一日先公布好過分，認為一刀切24日場次令唔少鐵粉都覺得「0尊（0尊重）」，令人覺得係「隨便取消」。部分人質疑取消24日場次，可能係因售票情況影響，反之29日「生日場」肯定會有大批五迷搶飛，唔少粉絲表示將不會購買29日入場票，祝其他粉絲好運。
有鐵粉表示當初係以優先購票購買，辛苦搶到票卻被取消場次。有做咗「五迷（五月天歌迷）」十幾年，年年五月之約都會去，指現場粉絲嘅熱情、氛圍，的確係取代不了，今次即使佢唔係買24日場次，但都覺得好過份，因為有歌迷可能專登請假、調更、坐車甚至坐飛機嚟香港睇騷，安排好晒依家夾硬取消，真心替買了飛的五迷失望，有感完全不被尊重，「我哋用心對待珍惜每一個可以入場嘅機會，但主辦完全唔當大家一回事。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|