台灣天團五月天前日（9日）公布於香港啟德主場館舉行的巡唱有場次變動，主辦方宣布五月天巡唱香港站四場演出日期，將調整為3月25、27、28、29日舉行，正式加入3月29日生日限定，而原定於3月24日舉行的場次將會取消。惟消息一出，早前已經買了24日場次的Fans，雖然主辦方將會為已購買3月24日場次觀眾自動辦理退票安排，所有費用將全數原路退回至用戶購買門票付款帳戶，但仍有大批當日買了飛的Fans大呼失望。
事件引發公關災難，社交平台更有「老五迷」表示要脫粉，引爆脫粉潮，有人留言：「利申已脫粉，真心唔建議五迷再撐，由其瞓過街嘅老五迷，由信用卡優先賣唔晒，經歷過瞓街/500通電話嘅，都你知我知大家知咩事，依家減場再加場嘅結果，唔會只有場地/主辦嘅決定，經理人一定有參與，咁佢哋經理人公司老闆係邊個？咁嘅操作相信五迷都好傷心，不如放低電話行吓消化吓情緒先！」擺明搵主音阿信算帳。
而亦有五迷留言狂呻：「到底24號賣得有幾差，先到夾硬轉去29號？直接取消退款真係頂唔順，如果畀番優先購票揀29號，條氣都仲叫順啲呀。依家買咗24號嘅人最賤？機票酒店假都請晒，一句退款就當無事？尊重喺邊？」
本文作轉載及備份之用 來源 source: http://hk.on.cc
|
鍾意就快D Share啦！
|
|
|