無綫劇集《正義女神》中新人吳文懿在「少女殺嬰案」飾演被誘姦成孕抑鬱少女，演出獲網民大讚超好，當中一場20秒又喊又笑情緒崩潰式自白戲，更令觀眾恍如進入了「麥珊珊」的崩潰內心世界，與同喜同悲。
談到拍攝法庭戲，吳文懿謙稱全靠劇組安排得好，並感激已故的資深演員許紹雄在現場無微不照的包容及照顧：「Benz哥好好，佢好有經驗好慈祥，佢等緊我演時，會好有耐性坐埋一邊去陪我；加上佢眼神好慈祥，佢望緊我時，會令我覺得呢個世界終於有人幫我，同埋佢係睇住我嘅情緒去畀問題，等我有時間去回想番珊珊經歷過嘅嘢，我記得我演嗰陣，有三、四次唔小心打斷咗佢台詞，佢都係好溫柔咁提番我佢仲有一句未講，佢唔會畀壓力我，令我好放心去演，所以我真係好多謝Benz哥對我呢個新人咁好。」她又指未拍攝前總監製鍾澍佳和她試了兩、三次戲，法庭戲更由朝早11點排到5點多，讓她預先掌握重點位。
有「翻版苟芸慧」之稱的吳文懿因演技出眾受到關注，但原2022年透過第32期藝訓班加入無綫的她之前在社交網透露體重曾高達210磅，但為了演藝夢想下定決心改變，她並感觸說：「100磅嘅距離可以改變幾多？」獲不少網民大讚擁有鑽石級意志：「真係完全認唔出係同一個人。」獲鍾澍佳重由的她則由《新聞女王》的小角色開始，鍾澍佳大讚吳文懿演戲極用心，以及學習能力高，對她相當滿意。
丘梓謙在劇中與許紹雄飾演父子，丘梓謙回想首次與許紹雄對戲大讚對方與自己想像一樣幽默好笑：「每次Roll機之前要確保自己忍到笑。」又透露11歲拍攝劇集《人間蒸發》時已飾演康華兒子，今次拍攝與康華再做母子，私下相處亦甚像一家人：「我哋無論放飯、嗌早餐、嗌咖啡都一齊，Benz哥有時有啲電話問題，例如有App唔識用，都會問我話：『阿仔，呢個點樣搞架？』佢真係好似我爸爸，佢哋都好鍾意講笑，所以好帶到我入戲，令我覺得大家真係好似一家人。」
另外，昨晚講到許紹雄就「少女殺嬰案」向佘詩曼取經一幕，許紹雄的「蠱惑眼神」與佘詩曼的「冇你咁好氣」眼神對壘更是相當精彩。事緣許紹雄因就案件有事想不通，遂借頭借路與阿佘閒聊，阿佘得悉許紹雄是來討論案情時即耍手落閘：「法官審案各自獨立，唔應該受到任何干預同影響。」許紹雄聞言先是一臉嬲豬：「講到咁嚴重呀！」及後又回復招牌式嬉皮笑臉：「我哋大家討論吓法律意見咋嘛。」最終阿佘還是忍不住心軟投降攞起檔案研究，與師傅間的默契及槍來劍往令人看得相當暖心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|