《第44屆香港電影金像奬》頒獎典禮上，歌神陳奕迅（Eason）驚喜現身，擔任打頭陣表演嘉賓，聯同多位影壇新晉演員邱彥筒(Marf)、梁仲恆、李芯駖以及黃梓樂一齊表演，未知是否音響問題，不少網民留言指「唔啱音」，評語麻麻。表演完畢後，Eason特別向影壇新一代打氣：「我相信新一代電影人會有無限創意，可以拍出有獨特個性以及令人心動的電影，加油！」
之後，大會頒發第一個獎項「新晉導演」，並由導演陳可辛擔任頒獎嘉賓，結果由舒淇憑電影《女孩》奪得，她上台領獎後笑言：「好多謝香港金像獎，我29年前喺呢度贏得最佳新演員同埋女配角，今次贏得新晉導演，我有30幾年演藝經驗，今次贏獎係因為太老喇！我要多謝我嘅團隊，多謝香港，香港嘅朋友！」
舒淇事後於後台受訪，她表示：「相隔29年再攞獎感覺好奇妙，希望做嘢可以永遠保持熱情、好奇同新鮮感。（幾時再做導演？）呢次我寫埋用咗10幾年時間，再拍可能要20年，不過，都有好多劇本搵我，會睇吓點做。（想唔想下次攞影后？）我入圍好多次，但都冇，志在參與。」問到今次奪獎怎樣慶祝時，她笑說：「明天早機，一陣返屋企瞓。（馮德倫有冇嚟？）佢喺後台，佢要做Idol。（一陣會唔會影番張相？）要影，唔影相一陣又話我哋感情有問題。」
另外，演員鄧濤憑電影《女孩不平凡》擊敗李佳芯奪得「最佳新演員」，她事後受訪直言開心又興奮，並再次感謝片中對手台灣演員韓寧，稍後會約朋友及團隊慶祝。
本文作轉載及備份之用 來源 source: http://hk.on.cc
|
鍾意就快D Share啦！
|
|
|