藝人施明上月21日因肺炎離世，享年74歲。施明離世，觸發李泳漢和李泳豪兩兄弟之間的恩怨情仇。父親李家鼎今日對外向大仔李泳漢作出多項指控，李泳漢接受東網獨家訪問時，強調李家鼎所言全部都不是事實，表示：「佢依家欺負緊施明死咗，講唔到一句嘢，死無對證。」他再表示李家鼎是一直遭李泳豪和嗰個女人操控：「我真係好心痛，我都係佢個仔，點解個老竇可以咁樣，為咗泳豪個女人咁過份抹黑我，傷害我個名聲。」對於被指阻止施明出席泳豪婚禮一事，他表示：「我有晒證人同證據，證明我阿媽唔鍾意個女人。唔單止我阿媽無被邀請出席，係所有親戚朋友都冇被邀請出席，唔通又係我去威䝱打佢哋，所以個個冇出席？冇可能。」
對於李泳豪表示會帶太太出席施明的喪禮，他表示：「阿媽唔想嗰個女人嚟，係佢既意願，希望佢專重阿媽最後既意願。佢做咁多嘢都係想名正言順拎返一個身份出席。根本無理會過施明嘅意願。」李泳漢再三強調自己所言有證有據。
本文作轉載及備份之用 來源 source: http://hk.on.cc
|
鍾意就快D Share啦！
|
|
|