男團MIRROR推出今年首支團歌《ATTENTION》MV，果然做到「全民關注」，皆因一地負評。歌曲被轟太嘈吵、畫面令人睇到頭暈，最令「鏡粉」難以接受的全員同框畫面只得6秒！
MIRROR相隔約5個月，推出今年第一首團歌《ATTENTION》，MV前晚無預警下在網上影音平台上架，「鏡粉」事前引頸以待，結果卻失望而回。他們認為歌曲太嘈吵又難聽，而MV畫面暗黑，鏡頭每兩秒轉換一次，令人睇到頭暈！為配合網上虛擬世界的主題，MV加入大量大量AI元素，故事編排令人匪夷所思，除了有科學家愛因斯坦「客串」，各成員還扮演不同的虛擬角色。
網民指扮槍手的Edan、模範的士司機的Stanley、搭穿梭機上太空的Jer、操控鐵甲人打怪獸的Ian，還有掟牛扒餵鱷魚的姜濤Sell有型尚可「收貨」，但花美男Jeremy化妝太重手多了個「間尺鼻」，Tiger、Lokman、Frankie及Anson Lo分別變身成老虎、Hip Hop孫悟空、喪屍及撒旦，騎呢古怪，令人睇到滿頭問號，不少「鏡粉」留言：「還我靚仔。」
12子同框畫面得6秒
最令歌迷難以接受的，是片長約3分39秒的團歌MV，各成員以單頭或分成2人及4人小組的方式出鏡，12人同框畫面只在片尾出現，而且只得6秒，「鏡粉」留言寸爆：「唔睇到尾，以為12子係分開拍攝，以後唔使12個仔咁辛苦夾期啦，用AI咪得囉！」當中Alton的粉絲投訢偶像造型出事：「佢頂帽遮咗樣，連跳舞嗰Part鏡頭都畀隊友擋埋，真係嬲到喊！」由於群情洶湧，有網民向MIRROR所屬公司獻計：「盡快推出個12子齊齊整整有樣嘅Dance Version先可以拆到彈，好似上首團歌《手印》MV咪幾好囉！」
不過，MV尚有可取之處，皆因兩大「下弦」終有出位機會，Tiger變身會跳舞的老虎，造型搶Fo；而Lokman企正中間位表演高難度的踢腳拗腰舞步，十足個人Solo。另有網民覺得MV不算太差，緊貼AI潮流大趨勢，只是概念走得太前，以及不知「鏡粉」所求而已。
本文作轉載及備份之用 來源 source: http://hk.on.cc
|
鍾意就快D Share啦！
|
|
|