獲專家教路「今晚返去試吓」
記者言，她是這一方面的專家，吳若希直言不諱：「冇錯，所以今次我喺節目將話題攞出嚟傾之餘我都學到好多嘢，因為個節目有好多婚姻專家，兩性嘅專家，亦有註冊心理學家。（可能你先係最需要婚姻專家嘅人）係啦，我哋今次好犀利，將個語氣同眼神微調。（有冇嘗試一下？）今日先學，今晚返去試吓。」
激心日常大公開！老公深夜狂歡搞到朝早唔湊仔？
她舉了一個最近的例子：「婚姻之間有好多好濕碎嘅事，例如佢應承車個仔，但係冇車嗰啲。（佢嗰時做緊乜？瞓緊覺？）哦，朝頭早係瞓緊覺，因為夜晚好夜瞓。咁好夜瞓原因係乜？因為佢夜夜都同啲女仔做直播。」
霸氣展現「放牧式」御夫術：有出軌證據直接Send畀我！
同女仔做直播？馬上就勾起了興趣！到底是什麼回事？她續說：「同好多唔同啲女仔做直播。（係咩人？）唔識㗎，係呀。（點解可以咁？）我都唔知呀，我唔係好理佢。（咩類型直播，賣產品？）冇呀，齋傾偈。（算唔算情感上出軌？）er⋯⋯我又唔覺嘅，因為我唔係好理佢，總之搞掂晒屋企嘅嘢就可以啦。（對何生採用放牧式照顧？）係呀，但係如果佢真係要出軌，都係嗰句啦，希望你哋見到，唔係話畀我聽，係影到張相！提供證據。（跟住？）跟住send畀我，收到之後就處理㗎啦。（直接行動？）應該係啦。都係嗰句，我好冷靜，好支持佢覓尋真愛。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|