李家鼎呻窮憂老本不保
李泳豪接受傳媒訪問時透露，鼎爺每次出糧不久便會呻窮，泳豪說：「鼎爺曾經同我講頂唔順，開始無錢見底，向我求救，其實啲數要撥亂反正，每月見到佢再攞十幾二十萬出去，其實一個老人家唔會一個月使到咁多錢。」
面對李泳漢苛索太離譜，李泳豪曾主動做「醜人」作擋箭牌，他說：「咁我話你乜嘢都推晒俾我就得，有咩就叫泳漢搵我攞。」李泳漢於是出言指控泳豪軟禁鼎爺，泳豪續解釋：「其實佢唔想出去，我老竇係怕咗佢，所以佢（泳漢）問係咪細佬軟禁你，鼎爺咪話︰『係呀！係呀！』因為我同老竇講，有咩推俾我就得。」但李泳豪其後發現鼎爺心軟，怕孫兒及施明變出氣袋，瞞住他繼續做大仔的提款機，令他大感忟憎：「眼見鼎爺積蓄已去到危急關頭，呢頭叫佢唔好俾，轉頭又俾，我咪忟憎。」
設雙簽戶口護200萬定期 遭大仔夾擊破壞
因李泳漢經常催促鼎爺交出將到期的200萬定期存款，加上發現鼎爺每月被提取的資金過大，遂建議父親開設雙人簽署的聯名戶口。他指出，原定計劃是200萬定期完結後直接轉入該戶口，款項僅限作鼎爺及亡母施明的生活與醫療開支，並明言：「泳漢一家使費我係唔會批。」然而，該計劃最終胎死腹中。李泳豪指消息走漏後，在定期結束之日，大嫂Conny或李泳漢夾住鼎爺前往銀行，強行取消將款項轉移至聯名戶口的申請。200萬最終放回鼎爺個人戶口，令父親繼續淪為「無底深淵」的提款機。
鼎爺以「燈油火蠟」隱暪大額支出
即使聯名戶口計劃告吹，李泳豪與太太Agnes仍努力協助鼎爺查閱銀行月結單對帳。李泳豪指鼎爺深居簡出，每月合理開支僅三至四萬元，但月結單卻顯示有多筆大額現金流出，當被查問時，鼎爺為怕惹細仔不滿，竟以「燈油火蠟」作藉口隱瞞大筆資金去向，令李泳豪夫婦感到激心勞氣。
截斷財路疑惹報復
李泳豪坦言，早前流出其太太Agnes要求睇單claim錢的WhatsApp錄音，原意正是要求老爺別再糊塗下去。但這段語音，泳漢卻沒有公開：「我勸你唔好咁糊塗，我唔係勞氣，唔好咁無智商，去思考下你做嘅嘢合唔合理？75萬、45萬、20萬、43萬咁樣fing出去俾人，唔好話無呀，銀行statement清清楚楚寫晒出嚟，一張張一筆筆現金數出咗去，啲數幾十萬幾十萬咁出咗去，你話無係唔合理。」
李泳豪與太太為父親築起財產防線，變相截斷了「無業漢」大哥的財路，難怪李泳漢對負責睇數的弟婦恨之入骨，才會以母親「遺願」為名，禁止Agnes步入施明靈堂。
本文作轉載及備份之用 來源 source: http://www.hk01.com
|
鍾意就快D Share啦！
|
|
|