前藝人康子妮與林曉峰離婚後，積極投入保險界後改名為「康滎舫」，盼能轉運，並與前夫共同照顧一對兒子林寶及林熙。康子妮入行僅三個月，已成為百萬圓桌（MDRT）會員，連續多年保持資格，尋日（4日）更share出席「百萬元經理榮譽會 2026」靚相，並獲得區域傑出財策大獎。
49歲嘅康子妮透露首次參加公司才藝比賽，成為全場冠軍，開心留言：「我只係想畀自己留下最後一年『4字』頭嘅相，因為好多人都話一入5就變樣，今年係刺激的，第一次參加公司才藝比賽（好似番咗去小學咁），老闆改編歌詞嘅 #用背脊打cold call 成為全場冠軍，贏咗啲錢可以去打邊爐lu！」相中佢着單邊露肩連身裙，戴上黑超自彈自唱，台型十足，之後又換上另一套白色一字膊露肩晚裝，身上掛滿獎牌，保險業界成就唔少。有網民大讚佢變得更加靚，樣子純天然，讚佢同30年前同依家冇乜大改變，依舊自然美。
康子妮於2020年突然宣布離婚報，投身保險行業，憑藉努力與毅力，早已榮升為百萬圓桌（MDRT）超級會員（COT），有傳年薪高達近300萬元，成為事業女強人。感情生活亦撲朔迷離，曾與保險界上司陳逸汮（Garry）傳緋聞，康子妮否認關係，稱對方僅為老闆。今年又疑有新歡，與外表成熟穩重、身材高瘦男士着全黑情侶裝開餐，互動甜蜜。
本文作轉載及備份之用 來源 source: http://hk.on.cc
|
鍾意就快D Share啦！
|
|
|