李家鼎昨日（8日）公開大仔李泳漢向他苛索金錢的電話錄音，對於父親的指控，李泳漢直指是弟弟背後指使李泳豪，他又公開多段聲帶錄音，聲帶中李家鼎親口承認被李泳豪夫婦軟禁，更慘遭語言侮辱與經濟封鎖，以及細新抱Agnes「教訓」鼎爺亂花錢等。李泳豪今日回應事件。
對於錄音中「粗聲粗氣」，李泳豪坦承錄音屬實，他解釋當時態度欠佳，全因鼎爺不斷給錢予大仔，屢勸不聽才導致父子爭執。他直言：「嗰輪我老竇攞錢攞得太勁，講又唔聽，咁一定忟。大家為件事，睇你（李泳漢）攞錢攞到老人家咁，梗係忟，說話一定唔好聽。」
Agnes在錄音中細數鼎爺在5個月內花費逾16萬6千元，平均每月約3萬3千元，語氣粗魯。李泳豪為愛妻解畫，指當時鼎爺的帳目極度混亂，他說：「條數畀到咁亂，幾十萬幾十萬咁畀，條數太亂，講極唔聽，所以忟就係咁簡單。我太太覺得唔正常，一個老人家點解會使咁多錢，所以逐條數對返，無可能係咁！」
對於李泳漢一直指控他們夫婦掌控鼎爺戶口，並私吞340萬元，李泳豪希望對方拿出實質證據，他說：「佢（泳漢）成日提住340萬，有直接證據咪攞出嚟，唔好成日咬住我攞咗340萬。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|