藝人林漪娸日前到新城廣播接受錄音訪問，被問及兒時夢想，她坦言從未想過當演員：「完全冇，我個人唔係好有大志，因為媽媽係家庭主婦，好下意識就覺得將來長大後要結婚生仔。」由於緣份未到，加上進入娛樂圈後對演戲產生熱誠：「開始明白多一啲，做得好一啲，慢慢就有火。」
談到1980年代參選香港小姐，她表示當時心態純粹是玩：「我表姐提名我嘅，心態完全係玩，冇諗到要攞名次。」笑言其他佳麗做足準備功夫，自己卻是「傻仔」一個，連穿高跟鞋也不優雅。至於穿泳衣環節，她更顯得毫不在乎：「泳衣嘅部分冇所謂啦，我着一件頭，點會介意。」
她指當年不懂演戲，講完自己對白就當作演完，完全沒有理會對手，至於螢幕初吻，林漪娸表示獻給了戴志偉：「劇本寫我結婚嘅，仲會錫錫，睇到劇本就好驚，因為未拍過，但男對手就好Gentleman，佢同監製話唔好錫錫，錫吓面就算。」她愈講愈激動，連珠炮發大爆另一位男演員：「呢個戴志偉就唔係，嗰場戲講我同佢喺馬路錫，明明係錫錫，佢伸脷喎！戴志偉你記唔記得？我就記得好清楚，佢肯定係蝦𡃁妹！」又自爆當年拍《壹號皇庭》與駱應鈞有親吻戲份，大爆對方十分害羞：「佢（駱應鈞）做戲好好，但好怕醜，一去到拍感情戲就好怕醜，男仔會緊張過女仔，除咗戴志偉。」
林漪娸形容丈夫是「鐵漢」，自己則是「柔情」：「兩個人相處最緊要舒服，如果佢又硬，你又硬，成日頂撞係冇意思。我會成日講『I love you』，佢唔會講，只會講『love』，但唔好逼佢，知道佢內心係咁就得。」
在65歲生日當天，她前往一個中心幫助四期癌症病人，她大讚中心的師傅很無私，因為完全不收費，而且很多病人上去練光和練氣後效果顯着：「有啲本來好痛，又要食好多嗎啡，依家可能只係食一次，或者唔使食，仲可以自己上去。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|