▲吳家樂透露，鼎爺在李泳豪夫婦照料下漸有胃口。
- 李家鼎父子糾紛升級，鼎爺自爆遭長子夫婦視為「人肉提款機」
- 吳家樂透露李家鼎病情好轉，開始肯進食，但仍挑食不吃菜
- 鄧兆尊盼李泳漢改變價值觀，找份正當工作養家，做子女榜樣
【李家鼎 / 鼎爺 / 李泳漢 / 李泳豪】李家鼎（鼎爺）與長子李泳漢與細仔李泳豪的矛盾自施明的離世升級，李家鼎公開錄音力證自己被李泳漢夫婦「人肉提款機」等成熱話。同時，鼎爺受家庭糾紛困擾外，加上近期因為因患「慢性腸胃炎」暴瘦，令不少網民憂心。
昨晚（5月11日），吳家樂和鄧兆尊在YouTube節目《娛樂好好玩》談及李家鼎父子的家庭糾紛，吳家樂稱因為拍劇與鼎爺及李泳豪相熟，直言所以對今次事件會較主觀地幫鼎爺及泳豪。
至於鄧兆尊稱與施明較熟，知道她一向較錫長子、鼎爺較錫細仔，同時兆尊奇怪為何一家人電話通話會有那麼多錄音。但他們均表示始終是別人家事，不便評論太多。
李家鼎公開李泳漢對話錄音︱80歲鼎爺哭求減供養費泳漢即發爛渣 謀老父200萬積蓄以屋契作脅：你吹呀！
李家鼎父子︱鼎爺漸有胃口
但吳家樂表示曾與李泳豪聯絡，對方透露李家鼎現時狀況：「李泳豪講咗一段說話畀我聽，我就同大家交代返，近排鼎爺嘅情況好返好多，佢開始肯食返啲嘢啦，佢鍾意食嘅嘢呢，就係鴨腿湯飯、燒味飯，但係呢鼎爺百厭唔肯食菜。所以豪仔太太煮啲菜要佢食，仲有煲返啲湯畀佢飲，呢一刻鼎爺係有返胃口，同埋肥返啲，塊面都有返啲肉。」
同時，吳家樂並代泳豪交代鼎爺近況，稱：「其實係好返啲㗎啦，多謝大家關心，不過畀啲空間阿鼎爺休息，調理返個身體，繼續作戰。」
李家鼎父子︱吳家樂拒評論楊思琦
鄧兆尊表示希望大仔李泳漢可以改變價值觀，指：「讀書少唔一定係做唔到嘢，畀心機嘅話，一樣可以做到嘢養到頭家，尤其仲有幾個小朋友，更加要做過好榜樣。」吳家樂補充說：「幾多歲都可以唔做嘢，只係睇你願唔願意行出第一步，唔好講層樓，如果你肯良心發現，正正經經搵返份嘢做。」
可是，當提及近日楊思琦被指終於獲得平反時，吳家樂對此卻甚為難地稱：「唔好講平唔平反，因為看睇住佢哋拍邊套劇拍拖，又睇住佢哋分手，我知得太多嘢，我唔想畀任何意見再挑起是非。」
|
鍾意就快D Share啦！
|
|
|