熱爆娛樂: 李泳漢李泳豪︱李泳漢公開錄音指弟弟謀財軟禁鼎爺　李泳豪斥斷章取義無懼逐點回應：拿出證據！ #李家鼎 #李泳漢 #李泳豪 #鼎爺

2026年5月9日星期六

李泳漢李泳豪︱李泳漢公開錄音指弟弟謀財軟禁鼎爺　李泳豪斥斷章取義無懼逐點回應：拿出證據！ #李家鼎 #李泳漢 #李泳豪 #鼎爺

▲李泳漢公開錄音指弟弟謀財軟禁鼎爺，李泳豪斥斷章取義並逐點回應。

AI 摘要

李泳漢指控弟弟李泳豪夫婦爭產限制李家鼎人身自由
李泳豪反駁錄音被斷章取義，指父親給李泳漢太多錢
李泳豪太太Agnes稱嚴格監控李家鼎開支以便理財

【李泳漢 / 李泳豪 / 李家鼎 / 鼎爺】李家鼎家庭風波成羅生門，繼鼎爺在昨日（5月9日）公開對話錄音揭被長子李泳漢當「人肉提款機」後，李泳漢在今日（9日）凌晨反擊，向傳媒提供多段聲帶，反指控弟弟李泳豪夫婦爭產，甚至限制鼎爺人身自由，以及作出經濟封鎖。

李泳漢公開的錄音及影片指李家鼎去年6月向他求救，稱自己被李泳豪兩公婆軟禁，連網上銀行密碼亦被更改，所以他沒有錢用，希望李泳漢給他送飯。

李泳漢到李家鼎家中，李家鼎稱怕被李泳豪夫婦知道不敢出門，李泳漢隔住門對屋內問：「點解你要咁聽佢講？係咪你唔聽佢話又要罰錢呀？啲錢轉晒佢Account呀？咁佢日日罰你都得㗎喎！佢根本搵藉口嚟攞你錢，同搶冇分別，你加佢名唔係Approve佢咁轉錢，咁係詐騙行為，我依家叫你行出嚟，你Stay喺度就愈多麻煩。」

李家鼎回應說：「我唔行得出去㗎，（你畀人軟禁咗喺自己間屋度？）係呀！係呀！（邊個軟禁你？）咪你細佬，（係咪李泳豪？）係呀，（同埋台灣婆？係咪佢兩公婆？）差唔多啦。」

李泳漢李泳豪︱李泳漢沒告知施明安葬地　李泳豪無法到母親墓前拜祭

▲李泳漢與李泳豪小時候。

李泳漢李泳豪︱泳漢公開電話録音

至於一條是電話録音，李泳豪對李家鼎說：「你最叻㗎啦，擘大眼講大話，講嘢冇公信力，事實擺在眼前，一毫子都冇嘅人（指李泳漢），唔係你畀係邊個畀呀？你真係侮辱人哋嘅智慧，你會唔知？你乜都話唔知㗎」

另一條電話錄音內，李泳豪對李家鼎稱，「我雖然就唔知你同我阿叔、姑姐係點樣相處，但到今日點解你哋咁唔Friend，我已經睇在眼內，心裏有數，或者你哋大家都有問題，但你都係好有問題，三叔有一句好啜核：『你老竇呀一世夠運！』講完㗎啦，其實真係喎，依你咁樣做人方法，唔係畀人打就唔會喺呢行撈。」

▼點擊圖片放大

李泳漢李泳豪︱細新抱Agnes教鼎爺理財

尚有三條錄音指控李泳豪太太Agnes嚴格監控鼎爺開支，包括：「記住呀，你整車都要攞單，我要睇一睇張單上面幾多錢，先可以畀你。」。

Agnes又稱：「燈油火蠟水電一個月都唔會超過3萬，你唔好同我扮嘢喇，你所有啲數，我哋都同你計咗㗎，你自己都寫過出嚟，你每3日就半隻雞，你淨係鍾意食蒸雞，咁可以用幾多錢呀？你又唔出街，你呢個月使多咗錢，就係買多咗個手提電話，因為你自己掟爛咗部手提電話，你冇其他消費，總之，聽清楚16萬6千幾，就係你7月至11月嘅生活費。」

此外，Agnes說：「我老公細個你點教佢㗎，畀你咁多就係咁多，你自己想用就自己想辦法，咁如果你冇錢仲碌卡，就要自己負責喇，你唔好唔記得咗，你嗰日趕趕趕，趕出去想撳錢，跟住你撞車呀，連個天都唔畀你做呢件事，你自己諗清楚。」

不過從錄音，李泳豪態度是忟憎多於向鼎爺發怒。至於Agnes只是提及如何理財，而且語氣也算不上沒禮貌。這與李泳漢指控弟弟夫婦謀家產及控制似有一定分別。

▼點擊圖片放大

李泳漢李泳豪︱斥李泳漢斷章取義

面對哥哥的指控，李泳豪接受《香港01》訪問逐點回應，坦承錄音中確實曾與父親發生爭執，但強調內容被有心人「斷章取義」，他解釋當時語氣較重是因為鼎爺屢勸不聽，不斷拿出數以十萬計的款項給李泳漢，令他感極度焦慮與忟憎，並指：「啲錄音一節節，有啲係講我阿叔啲嘢，家事又攞出嚟。」泳豪並反問哥哥：「你又唔解釋嗰200萬。」

而太太向鼎爺對單據，泳豪指鼎爺帳目混亂，無奈稱：「幾十萬幾十萬咁俾，條數太亂，講極唔聽，所以忟就係咁簡單。」他指一個老人如何會花那麼多錢，所以逐條數對。

至於李泳漢一直指控弟弟夫婦掌控鼎爺戶口並私吞340萬元，李泳豪向泳漢提出證據不要憑空捏造，說：「有直接證據咪攞出嚟。」